សាក្សីទាំងឡាយរាយការណ៍ថា ការវាយប្រហារភេរវកម្មដោយគ្រាប់បែកមួយបណ្តាលឱ្យមនុស្សស្លា.ប់៤០នាក់ ក្នុងនោះមានទាហាន៥នាក់កាលពីថ្ងៃទី២៧ វិច្ឆិកា ក្នុងស្ថានីយរថយន្តបឺសមួយនាភាគឦសាននីហ្សេរីយ៉ា ។
សាក្សីទាំងឡាយរាយការណ៍ថា ការវាយប្រហារភេរវកម្មដោយគ្រាប់បែកមួយបណ្តាលឱ្យមនុស្សស្លាប់៤០នាក់ ក្នុងនោះមានទាហាន៥នាក់កាលពីថ្ងៃទី២៧ វិច្ឆិកា ក្នុងស្ថានីយរថយន្តបឺសមួយនាភាគឦសាននីហ្សេរីយ៉ា ។
ការផ្ទុះគ្រាប់បែកបានបំផ្លាញរថយន្តបឺសជាច្រើនគ្រឿងដែលត្រូវភ្លើងឆាបឆេះត្រង់ផ្លូវបំបែកម៉ារ៉ាប៊ីមូប៊ី ក្នុងតំបន់មួយដែលពួកអ៊ិស្លាមនិយមក្រុមបូកូហារ៉ាមមានសកម្មភាពខ្លាំង ។ សាក្សីម្នាក់លោកអាប៊ូបាកា អាដាមូ និយាយថា មានសាកសពមនុស្សជាច្រើនរាយប៉ាយនៅលើដី។ ការវាយប្រហារនេះកើតមាននៅចម្ងាយ៣០គីឡូម៉ែត្រខាងលិចទីក្រុងមូប៊ី រដ្ឋអាដាម៉ាវ៉ា ជិត ព្រំដែនជាមួយប្រទេសកាមេរូន ។
ពួកបូកូហារ៉ាម ធ្លាប់វាយកាន់កាប់ទីក្រុងមូប៊ី កាលពីថ្ងៃទី២៨ តុលា ដោយសម្លាប់ប្រជាជនជាច្រើនសិបនាក់ ហើយដុតបំផ្លាញផ្ទះប្រជាជនយ៉ាងច្រើនបង្ខំឱ្យមនុស្សជាច្រើនពាន់នាក់រត់ភៀសខ្លួន ។ កងទ័ពនីហ្សេរីយ៉ាគាំទ្រដោយពួកជីវពលមូលដ្ឋាន អាចវាយដណ្តើមយកទីក្រុងនោះវិញបានកាលពីពាក់កណ្តាលខែវិច្ឆិកា ៕
ចែករំលែកព័តមាននេះ