រាជធានីភ្នំពេញ ៖ ស្ត្រីម្នាក់បានធ្វើដំណើរទៅលោតទឹកសម្លា.ប់ខ្លួនពីលើស្ពានជ្រោយចង្វា តែត្រូវប៉ូលិសការពារស្ពានឃើញទាន់ក៏ចាប់ឃាត់រួចនាំមកសាកសួរ កាលពីវេលាម៉ោង១២និង៣០នាទីថ្ងៃត្រង់ថ្ងៃទី២៧ វិច្ឆិកា នៅចំណុចកំផែងស្ពានជ្រោយចង្វាចាស់ផ្នែកខាងលិច ។
រាជធានីភ្នំពេញ ៖ ស្ត្រីម្នាក់បានធ្វើដំណើរទៅលោតទឹកសម្លាប់ខ្លួនពីលើស្ពានជ្រោយចង្វា តែត្រូវប៉ូលិសការពារស្ពានឃើញទាន់ក៏ចាប់ឃាត់រួចនាំមកសាកសួរ កាលពីវេលាម៉ោង១២និង៣០នាទីថ្ងៃត្រង់ថ្ងៃទី២៧ វិច្ឆិកា នៅចំណុចកំផែងស្ពានជ្រោយចង្វាចាស់ផ្នែកខាងលិច ។ ស្ត្រីដែលប៉ងសម្លាប់ខ្លួននេះ ឈ្មោះ ហេង សុខគា អាយុ៣១ឆ្នាំ ជាអតីតអាជីវករលក់ស្បែកជើងនៅផ្សារឈូកមាស ស្នាក់នៅផ្ទះជួលក្នុងភូមិកៀនឃ្លាំង សង្កាត់ជ្រោយចង្វា ខណ្ឌជ្រោយចង្វា និងមានស្រុកកំណើតនៅស្រុកស្ទឹងត្រង់ ខេត្តកំពង់ចាម ។
តាមមន្ត្រីនគរបាលការពារស្ពានជ្រោយចង្វា ឱ្យដឹងថា ស្ត្រីម្នាក់នេះបានជិះម៉ូតូឌុបមកឈប់លើស្ពានហើយឈរតោងបង្កាន់ដៃមួយសន្ទុះក៏បោះកាបូបស្ពាយទៅក្នុងទន្លេ រួចតោងបង្កាន់ដៃស្ពានប្រុងលោតទឹកសម្លាប់ខ្លួន តែនាងហាក់ដូចជាពុំដាច់ចិត្ត ។ ដោយឃើញដូចនេះសមត្ថកិច្ចបានទៅឃាត់ និងនាំមកអង្គភាពដើម្បីសាកសួរ ។ តាមស្ត្រីរូបនេះឱ្យដឹងថា មូលហេតុចង់សម្លាប់ខ្លួន ព្រោះតែពិបាកចិត្តដោយសារបងប្អូនខាងប្តីដែលលែងលះគ្នានិយាយបរិហារកេរ្តិ៍នាង ។ នាងមានប្តីឈ្មោះ ក្រាត ចាន់ណៃ អាយុ៣៣ឆ្នាំ មានកូន៣នាក់ (ប្រុស២ ស្រី១)។ កាលពីប្រមាណ១ឆ្នាំមុនប្តីនាងបានរករឿងដោយចោទថា នាងមានសហាយ និងថតវីដេអូអាសអាភាស ហើយក៏បានចុះចោលផ្ទះទៅបាត់។ បន្ទាប់ពីបែកបាក់គ្រួសារធ្វើឱ្យនាងពិបាកចិត្តជាខ្លាំងហើយមករស់នៅភ្នំពេញ តែលតោល និងរកស៊ីលក់ស្បែកជើង ។
នាង ហេង សុខគា បានបន្តទៀតថា នៅពេលថ្មីៗនេះនាងឈប់លក់ស្បែកជើងហើយត្រឡប់ទៅលេងស្រុក ត្រូវក្រុមគ្រួសារខាងប្តីនិយាយបរិហារកេរ្តិ៍ ហើយអ្នកស្គាល់គ្នាក៏មិនចង់និយាយស្តីជាមួយ ធ្វើឱ្យនាងតូចចិត្តខ្លួនឯងក៏គិតខ្លីចង់ស្លាប់តែម្តង ។ នៅយប់ថ្ងៃទី២៦ វិច្ឆិកា នាងបានទិញថ្នាំងងុយដេកចំនួន២០គ្រាប់ហើយទៅជួលផ្ទះសំណាក់មួយកន្លែងនៅម្តុំផ្សារសូរិយាដេក និងលេបថ្នាំសម្លាប់ ប៉ុន្តែព្រឹកឡើងក៏ដឹងខ្លួនគឺនៅតែមិនស្លាប់ ដែលសង្ស័យគេមិនឱ្យថ្នាំងងុយដេក ។ លុះព្រឹកឡើងនាងក៏ត្រឡប់ទៅផ្ទះជួលនៅកៀនឃ្លាំងវិញ ហើយជិះម៉ូតូឡើងស្ពានជ្រោយចង្វាថ្មីមកទិសខាងលិច និងបត់ត្រឡប់ឆ្លងតាមស្ពានចាស់ក៏ឱ្យម៉ូតូឌុបឈប់ប្រុងលោតទឹកសម្លាប់ខ្លួន តែត្រូវនគរបាលមកឃាត់ទាន់ ។ បន្ទាប់ពីឃាត់សួរនាំរួច នគរបាលក៏ធ្វើការអប់រំរួចឱ្យត្រឡប់ទៅផ្ទះវិញ ៕
ចែករំលែកព័តមាននេះ