រាជធានីភ្នំពេញ ៖ បុរសជនបុរទេសម្នាក់បានរងរបួសរយៈដៃជើង សន្លប់មួយសន្ទុះ និង បុរសពីរនាក់ផ្សរងទៀតបានរងរបួសស្រាល បន្ទាប់ពីជួបគ្រោះថ្នាក់ចរាចរណ៍ដែលបង្កឡើងដោយម៉ូតូស៊ូយស៊ូគីហាយយ៉ាតេបុកគ្នាជាមួយម៉ូតូហុងដាឌ្រីមសេ១២៥ ។ ហេតុការណ៍នេះកើតឡើងកាលពីវេលាម៉ោង១២ និង ៣០នាទី
រាជធានីភ្នំពេញ ៖ បុរសជនបរទេសម្នាក់បានរងរបួសរយៈដៃជើង សន្លប់មួយសន្ទុះ និង បុរសពីរនាក់ផ្សេងទៀតបានរងរបួសស្រាល បន្ទាប់ពីជួបគ្រោះថ្នាក់ចរាចរណ៍ដែលបង្កឡើងដោយម៉ូតូស៊ុយស៊ូគីហាយយ៉ាតេបុកគ្នាជាមួយម៉ូតូហុងដាឌ្រីមសេ១២៥ ។ ហេតុការណ៍នេះកើតឡើងកាលពីវេលាម៉ោង១២ និង ៣០នាទីអាធ្រាត្រឈានចូលថ្ងៃទី ២៨ វិចិ្ឆកា ២០១៤ នៅលើកំណាត់ផ្លូវព្រះនរោត្ថម ស្ថិតក្នុងសង្កាត់ផ្សារកណ្តាល២ ខណ្ឌដូនពេញ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញបុរសជនបរទេសម្នាក់ស្រវឹងស្រាប់បើកម៉ូតូស៊ុយ ស៊ូគី ហាយ៉ាតេមួយគ្រឿងយ៉ាងលឿនតាមផ្លូវព្រះបរោត្ថម ក្នុងទិសដៅពីត្បូងទៅជើងខណៈមកដល់ចំណុចកើតហេតុក៏បានបើកទៅបុកម៉ូតូហុងដាឌ្រីមសេ១២៥ ជិះដោយបុរសពីនាក់បណ្តាលឱ្យម៉ូតូទាំងពីរគ្រឿងដួលទៅលើផ្លូវ ធ្វើឱ្យបុរសជនបរទេសរងរបួសរយៈដៃជើង សន្លប់មួយសន្ទុះ ដឹងខ្លួនឡើងវិញ ចំណែកបុរសពីរនាក់ជិះម៉ូតូហុងដាឌ្រីមសេ១២៥ របួសស្រាល ។
ក្រោយពេលកើតហេតុរថយន្តសង្រ្គោះបានមកទទួលយកជនរងគ្រោះទៅព្យាបាលមុខរបួសដែរតែបុរសជនបរទេសមិនព្រមទៅដោយរងចាំសាច់ញាតិមកទទួល ។ មួយសន្ទុះក្រោយមកគ្រួសារបុរសរងគ្រោះបានមកដល់កន្លែងកើតហេតុ បានសងសំណងទៅឱ្យបុរសជិះម៉ូតូហុងដាឌ្រីម ចំនួន១០០ដុល្លារនិងនាំបុរសជនបរទេសទៅព្យាបាលមុខរបួស ។
ចែករំលែកព័តមាននេះ