រាជធានីភ្នំពេញ ៖ រថយន្តវីស្តូសមួយគ្រឿងអ្នកបើកបរស្រវឹងបានប់ើកបត់ឆ្លងផ្លូវក្នុងល្បឿនយ៉ាងលឿន អ្នកបើកយកចង្កូតមិនអស់ ក៏បានទៅបុកពីក្រោយរថយន្តតាកូម៉ាកពិតកាងក្រោយ និងជ្រុលទៅបុកពីក្រោយរថយន្តRANGE ROVER កំពិតក្រោមភ្លើងស្តុប ចំណែកអ្នកបើកបរមិនមានអ្នកណារងរបួសទេ ។ ហេតុការណ៍នេះកើតឡើងកាលពីវេលាម៉ោង ១០ យប់ ថ្ងៃទី២៧ វិចិ្ឆកា ២០១៤ នៅចំណុចផ្លូវប្រសព្វជាបី( ផ្លូវព្រះសីហនុ ផ្លូវព្រះស៊ីសុវត្តិ និង ផ្លូវលេខ១៥៤ ) ស្ថិតក្នុងសង្កាត់ផ្សារកណ្តាល ១ ខណ្ឌដូនពេញ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តវីស្ទូស ពណ៌ស មួយគ្រឿង ពាក់ស្លាកលេខភ្នំពេញ 2AA-8548 បើកបរដោយបុរសស្រវឹងស្រាម្នាក់ ដោយបើកតាមផ្លូវព្រះស៊ីសុវត្តិ ក្នុងទិសដៅ ពីត្បូងទៅជើង ខណៈមកដល់ចំណុចកើតហេតុរថយន្តក៏បានបើកបត់ឆ្លងទៅផ្លូវ១៥៤ តែបួងចង្កូតមិនអស់ក៏បានទៅបុកពីក្រោយរថយន្តតាកូម៉ាកំពិតកាងក្រោយ និងជ្រុលទៅបុកពីក្រោយរថយន្តRANGE ROVER កំពិតក្រោមភ្លើងស្តុប ចំណែកអ្នកបើកបរមិនមានអ្នកណារងរបួសទេ ។
ក្រោយពេលកើតហេតុម្ចាស់រថយន្តបង្កបានចុះមកចរចារជាមួយម្ចាស់រថយន្តទាំងពីរគ្រឿងដោយ ម្ចាស់រថយន្តបង្កបានហៅសមត្ថកិច្ចជំនាញឱ្យមកវាស់វែងហើយសន្យានិងសងសំណងឱ្យម្ចាស់រថយន្តរងគ្រោះនៅថ្ងៃស្អែក ។
ចែករំលែកព័តមាននេះ