រាជធានីភ្នំពេញ ៖ នៅសាលាខណ្ឌច្បារអំពៅ បានបើកកិច្ច ប្រជុំក្រុមប្រឹក្សាខណ្ឌ លើកទី០៦ អាណត្តិទី២ របស់ខ្លួន កាលពីព្រឹកថ្ងៃទី២៧ ខែវិច្ឆិកា ឆ្នាំ២០១៤ ក្រោមវត្តមានលោក អ៊ុំ ម៉ារ៉េត ប្រធានក្រុមប្រឹក្សាខណ្ឌនិង លោក អ៊ាង ស៊ីផាន អភិបាលនៃគណៈអភិបាលខណ្ឌច្បារអំពៅ រួមជាមួយសមាជិក សមាជិកា ក្រុមប្រឹក្សា ចូលរួម ដោយលើកឡើងពីរបៀបវារៈចំនួន៣ មកពិភាក្សា និងអនុម័តផងដែរ។
ប្រធានក្រុមប្រឹក្សាខណ្ឌច្បារអំពៅ លោក អ៊ុំ ម៉ារ៉េត បានមានប្រសាសន៍ថា ក្រុមប្រឹក្សាខណ្ឌច្បារអំពៅ បើកកិច្ចប្រជុំសាមញ្ញលើកទី០៦ អាណត្តិទី២នេះដើម្បីលើកឡើងនូវរបៀបវារៈចំនួន០៣ មកពិភាក្សាដែលទី១-ពិនិត្យនិងអនុម័ត សេចក្តីព្រាងរបាយការណ៍ ស្តីពីការអនុវត្តន៍ការងាររដ្ឋបាលខណ្ឌច្បារអំពៅប្រចាំខែវិច្ឆិកា ឆ្នាំ២០១៤ ទី២-ពិនិត្យនិងអនុម័ត លើសេចក្តីព្រាង ឆ្លងរបាយការណ៍ស្តីពីវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌច្បារអំពៅ អាណត្តិទី២ និង ទី៣-បញ្ហាផ្សេង។
លោក ញាណ ចាន់សោភា នាយករងរដ្ឋបាលខណ្ឌច្បារអំពៅ បានលើកឡើងពីរបាយការណ៍ប្រចាំខែស្តីពីការអនុវត្តការងាររបស់រដ្ឋបាលខណ្ឌមានជ័យ ក្នុងនោះផ្នែកសន្តិសុខ សណ្តាប់ធ្នាប់ សាធារណៈគឺការទប់ ស្កាត់ និងបង្រ្កាបសកម្មភាពលួចឆក់ប្លន់ បង្រ្កាបនិងទប់ស្កាត់ សកម្មភាពចែកចាយនិងជួញដូរគ្រឿងញៀន ខុសច្បាប់គ្រប់ប្រភេទ ទប់ស្កាត់និងបង្ក្រាបការ អំពើអនាចា ការជូញដូរស្ត្រី កុមារអពើហិង្សាក្នុងគ្រួសារទប់ស្កាត់សកម្មភាពក្មេងទំនើង និងដកហូត វត្ថុតាងមួយចំនួនប្រគល់ឲ្យជនរងគ្រោះវិញ។
ជាមួយគ្នានោះដែរ លោក អ៊ាង ស៊ីផាន អភិបាលខណ្ឌច្បារអំពៅ បានបកស្រាយ បំភ្លឺនូវ សំនួរឬសំណូមពរ ផ្សេងៗ ដែលសមាជិកក្រុមប្រឹក្សាដែលបានឡើងដើម្បីឲ្យរដ្ឋបាលខណ្ឌច្បារអំពៅ មានការកែលំអរនូវបញ្ហាខ្វះចន្លោះមួយចំនួនផងដែរ។
ចែករំលែកព័តមាននេះ