ការចាកចេញពីវិបត្តិនៃដំណើរការសន្តិភាពនៅកូឡុំប៊ី ត្រូវបានត្រួសត្រាយវិញ ខណៈឧត្តមសេនីយ៍ម្នាក់ដែលពួកឧទ្ទាមកងកម្លាំងបដិវត្តន៍កូឡុំប៊ី FARC ចាប់ជាចំណាប់ខ្មាំងត្រូវដោះលែងវិញនាថ្ងៃទី២៩ វិច្ឆិកា លើកលែងតែមានការប៉ះទង្គិចគ្នាថ្មីរវាងកងទ័ព និងពួកឧទ្ទាមនោះ ។
ការចាកចេញពីវិបត្តិនៃដំណើរការសន្តិភាពនៅកូឡុំប៊ី ត្រូវបានត្រួសត្រាយវិញ ខណៈឧត្តមសេនីយ៍ម្នាក់ដែលពួកឧទ្ទាមកងកម្លាំងបដិវត្តន៍កូឡុំប៊ី FARC ចាប់ជាចំណាប់ខ្មាំងត្រូវដោះលែងវិញនាថ្ងៃទី២៩ វិច្ឆិកា លើកលែងតែមានការប៉ះទង្គិចគ្នាថ្មីរវាងកងទ័ព និងពួកឧទ្ទាមនោះ ។
ការចាប់ពង្រត់ឧត្តមសេនីយ៍រូបនេះកាលពី១០ថ្ងៃមុន ញ៉ាំងឱ្យប្រធានាធិបតីកូឡុំប៊ី លោកហ្សង់ម៉ានុយអែល សាន់តូស ផ្អាកការចរចាជាមួយពួក FARC ។ ប្រធានាធិបតីរូបនេះដែលជាអ្នកត្រួសត្រាយផ្លូវសម្រាប់ការចរចាសន្តិភាពនៅប្រទេសគុយបា បានប្រកាសដោយខ្លួនលោកផ្ទាល់កាលពីថ្ងៃទី២៦ វិច្ឆិកា ពីកាលបរិច្ឆេទនៃការដោះលែងឧត្តមសេនីយ៍រូបនេះក្រោយការដោះស្រាយបញ្ហាសន្តិសុខជាមួយពួកឧទ្ទាមមក ។
ជានាយទាហានជាន់ខ្ពស់ពុំធ្លាប់ធ្លាក់ក្នុងដៃពួកឧទ្ទាម FARC ឧត្តមសេនីយ៍ RUBEN ALZATE ត្រូវចាប់ពង្រត់កាលពីថ្ងៃទី១៦ វិច្ឆិកា ជាមួយទាហានម្នាក់ទៀត និងនារី ទីប្រឹក្សាយោធាមួយរូបនៅខេត្ត CHOCO ជាប់ឆ្នេរសមុទ្រប៉ាស៊ីហ្វិក ។
ប្រធានាធិបតីកូឡុំប៊ីបញ្ជាក់ថា លោកបានចេញបញ្ជារួចហើយឱ្យផ្អាកប្រតិបត្តិការយោធាក្នុងតំបន់ ។ លោកមានប្រសាសន៍ថា យើងមានទំនុកចិត្តចំពោះការវិលវិញរបស់ឧត្តមសេនីយ៍ ALZATE និងអ្នករួមដំណើរនាថ្ងៃទី២៩ វិច្ឆិកា។
ការប្រកាសនេះរបស់លោកសាន់តូស ធ្វើឡើងបន្ទាប់ពីពួក FARC ដោះលែងទាហាន២នាក់ដែលចាប់បានក្នុងការប្រយុទ្ធគ្នាកាលពីថ្ងៃទី៩ វិច្ឆិកា ដែលនោះជាកាយវិការនៃសុឆន្ទៈដំបូងមួយ ៕
ចែករំលែកព័តមាននេះ