ប្រទេសកូរ៉េខាងជើង កាលពីថ្ងៃទី២៧ វិច្ឆិកា បានលាតត្រដាងតំណែងជាផ្លូវការរបស់ប្អូនស្រីមេដឹកនាំកំពូលកូរ៉េខាងជើង លោកគីម ជុងអ៊ុន ។ ប្អូនស្រីរូបនោះនាង គីម យ៉ូជុង ត្រូវបានទីភ្នាក់ងារព័ត៌មានផ្លូវការកូរ៉េខាងជើង KCNA បង្ហាញតួនាទីជាអនុប្រធាននាយកដ្ឋាននៃគណៈកម្មាធិការកណ្តាលបក្សពលករកូរ៉េ ។
យុវនារីរូបនេះ ដែលមានអាយុខ្ទង់២៦ឆ្នាំ ធ្លាប់អមដំណើរបងប្រុសទៅទស្សនាស្ទូឌីយ៉ូមួយ បង្កើតដោយជីតាស្ថាបនិកសាធារណរដ្ឋប្រជាមានិតប្រជាធិបតេយ្យកូរ៉េ លោក គីម អុីលស៊ុង ។ នារីរូបនេះ បង្ហាញខ្លួនជាសាធារណៈលើកដំបូងកាលពីខែធ្នូ ឆ្នាំ២០១១ ក្នុងពិធីបុណ្យសពឪពុកលោក គីម ជុងអុីល ។ ចាប់តាំងពីពេលនោះមក រូបនាងតែងបង្ហាញមុខជាញឹកញាប់នៅអែបនឹងបងប្រុស ក្នុងព្រឹត្តិការណ៍ ឬក៏ទស្សនកិច្ចផ្សេងៗ ។ ប៉ុន្តែសារព័ត៌មានផ្លូវការ ពុំដែលបង្ហាញតួនាទីផ្លូវការរបស់នាងក្នុងផ្ទៃក្បាលម៉ាសុីន រដ្ឋឡើយ ។
យោងតាមពួកអ្នកឯកទេសថា ឥទ្ធិពលរបស់នាង គីម យ៉ូជុង នឹងមានកាន់តែខ្លាំងនាបណ្តាឆ្នាំខាងមុខ ៕
ចែករំលែកព័តមាននេះ