តេហេរ៉ង់ ៖ ទីភ្នាក់ងារព័ត៌មាន ISNA បានឱ្យដឹងថា នៅក្នុងអំទ្បុងពេល៧ខែ គិតចាប់ពីថ្ងៃទី២១ មីនា ដល់២២ តុលា ប្រទេសអីុរ៉ង់ នាំចេញថ្នាំពេទ្យបាន៤.២២៤តោន ធ្លាក់ចុះ១%ធៀបនឹងបរិមាណ៤.២៧៥តោន កាលពីអំទ្បុងពេលដូចគ្នាកាលពីឆ្នាំមុន ។
ជាមួយគ្នានេះដែរ ទំហំទឹកប្រាក់នៃការនាំចេញផលិតផលនេះ កើនទ្បើង៤០% ឬ៦៤,៥៨លានដុល្លារធៀបនឹងបរិមាណ៤៦,១៧លានដុល្លារ កាលពីឆ្នាំមុន ។ ការនាំចេញថ្នាំពេទ្យតំណាងឱ្យ០,៣៣% នៃការនាំចេញផលិតផលផ្សេងៗក្រៅពីប្រេងសរុបរបស់អីុរ៉ង់ ក្នុងអំទ្បុងពេលនោះ ។ រដ្ឋមន្ត្រីសុខាភិបាលបានថ្លែងថា នៅក្នុងខែតុលាឆ្នាំនេះ អីុរ៉ង់នាំចេញថ្នាំពេទ្យទៅបណ្តាប្រទេសចំនួន១៣ ហើយថ្មីៗនេះយើងកំពុងរិះរកការនាំចេញទៅកាន់ទីផ្សារអីុរ៉ាក់ ស៊ីរី និងលីបង់ ។
យោងតាមមជ្ឈមណ្ឌលវិទ្យាសាស្ត្រអន្តរជាតិ ប្រទេសអីុរ៉ង់ បានជាប់ចំណាត់ថ្នាក់ទី១៧ ក្នុងផលិតកម្មវិទ្យាសាស្ត្រឱសថនៅលើពិភពលោក ៕
ចែករំលែកព័តមាននេះ