ក្រុមហ៊ុនផលិតរថយន្តឈានមុខរបស់អាល្លឺម៉ង់ Volkswagen AG នឹងរក្សាខ្ទង់ចំណាយរបស់ខ្លួនទៅលើការផលិតរថយន្តថ្មី បច្ចេកវិទ្យា និងរោងចក្រផលិតកម្ម ស្របពេលដែលខ្លួនកំពុងតាមពីក្រោយ Toyota យ៉ាងប្រកៀកប្រកិត ដើម្បីឈោងចាប់តំណែងជាអ្នកផលិតរថយន្តធំជាងគេបំផុតលើ
ក្រុមហ៊ុនផលិតរថយន្តឈានមុខរបស់អាល្លឺម៉ង់ Volkswagen AG នឹងរក្សាខ្ទង់ចំណាយរបស់ខ្លួនទៅលើការផលិតរថយន្តថ្មី បច្ចេកវិទ្យា និងរោងចក្រផលិតកម្ម ស្របពេលដែលខ្លួនកំពុងតាមពីក្រោយ Toyota យ៉ាងប្រកៀកប្រកិត ដើម្បីឈោងចាប់តំណែងជាអ្នកផលិតរថយន្តធំជាងគេបំផុតលើពិភពលោក ។
តាមការអះអាងពីក្រុមហ៊ុនរថយន្តធំបំផុតរបស់អឺរ៉ុបមួយនេះឱ្យដឹងថា Volkswagen នឹងបោះទុនវិនិយោគ១០៦ពាន់លានដុល្លារ ក្នុងរយៈពេល៥ឆ្នាំក្រោយ ។ គម្រោងនេះត្រូវការបង្កើនខ្ទង់ចំណាយប្រចាំឆ្នាំជាមធ្យមលើប្រតិបត្តិរថយន្តប្រមាណជា២១,២៣ពាន់លានដុល្លារក្នុងមួយឆ្នាំ ធៀបនឹងបរិមាណ២០,៨៦ពាន់លានដុល្លារ ដែលស្ថិតក្រោមកញ្ចប់ថវិកាបង្វិលប្រាំឆ្នាំមុនរបស់ខ្លួន ។ លោក Martin Winterkorn នាយកប្រតិបត្តិ Volkswagen បានថ្លែងបញ្ចាក់ថា «យើងនឹងនៅតែបន្តវិនិយោគនៅថ្ងៃអនាគត ដើម្បីក្លាយជាក្រុមហ៊ុនផលិតរថយន្តឈានមុនគេលើពិភពលោកទាំងផ្នែកបរិស្ថាន និងការសន្សំសំចៃ» ។ ជាងនេះទៅទៀត «ខ្ទង់ចំណាយលើការអភិវឌ្ឍនឹងនៅតែមានកម្រិតខ្ពស់ដដែលនៅពេលខាងមុខ ដែលជាលទ្ធផលនៃសម្ពាធខ្ពស់លើការកែទម្រង់ថ្មី ក៏ដូចជាការបង្កើននូវតម្រូវនៅក្នុងឧស្សាហកម្មយានយន្ត» ។
ការជំរុញពង្រីកខ្លួននាអំទ្បុងពេលប៉ុន្មានឆ្នាំចុងក្រោយនេះ គឺស្ថិតក្នុងក្តីរំពឹងថា នឹងធ្វើយ៉ាងណាលក់ឱ្យបានជាង១០លានគ្រឿង ក្នុងឆ្នាំ២០១៤ ជាលើកដំបូង ។ ជាមួយគ្នានេះដែរ Volkswagen ក៏បានបង្រួមការលក់នាំមុខពិភពលោករបស់ Toyota ដល់ទៅ៧២.០០០គ្រឿង ក្នុងរយៈពេល៩ខែដំបូងនៃឆ្នាំនេះ ធៀបនឹងឆ្នាំទៅ២២៧.០០០គ្រឿង ខណៈ General Motor Co. របស់សហរដ្ឋអាមេរិក បានធ្លាក់មកនៅតំណែងទី៣វិញ ៕
ចែករំលែកព័តមាននេះ