សារព័ត៌មាន «ឆាយណាញូវ» របស់ចិនផ្សាយថា លោកតាជាំង ធីងជឺ អាយុ៨៨ឆ្នាំ រស់នៅខេត្តស៊ីឈួន ប្រទេសចិន បានចម្អិនម្ហូបអាហារដាក់ស្រាក់ រួចធ្វើដំណើរទៅលើភ្នំមានចម្ងាយផ្លូវប្រហែល១០គីឡូម៉ែត្រជារៀងរាល់ថ្ងៃ ដើម្បីសែនឧទ្ទិសដល់វិញ្ញាណក្ខន្ធប្រពន្ធដែលស្លា.ប់កាលពីថ្ងៃទី៦ មករា ២០១៤ ។
សារព័ត៌មាន «ឆាយណាញូវ» របស់ចិនផ្សាយថា លោកតាជាំង ធីងជឺ អាយុ៨៨ឆ្នាំ រស់នៅខេត្តស៊ីឈួន ប្រទេសចិន បានចម្អិនម្ហូបអាហារដាក់ស្រាក់ រួចធ្វើដំណើរទៅលើភ្នំមានចម្ងាយផ្លូវប្រហែល១០គីឡូម៉ែត្រជារៀងរាល់ថ្ងៃ ដើម្បីសែនឧទ្ទិសដល់វិញ្ញាណក្ខន្ធប្រពន្ធដែលស្លាប់កាលពីថ្ងៃទី៦ មករា ២០១៤ ។
លោកតាជាំង ធីងជឺ បញ្ជាក់ប្រាប់សារព័ត៌មានក្នុងស្រុកកាលពីពេល ថ្មីៗនេះថា គាត់តែងតែយកអាហារពេលល្ងាចជូនប្រពន្ធ និងដើម្បីនិយាយជាមួយនាង ។ មានពេលខ្លះគាត់ច្រៀង និងរាំនៅខាងមុខផ្នូរប្រពន្ធទៀតផង ។
ក្រោយពីរៀបចំអាហារដាក់សែនឧទ្ទិសដល់ប្រពន្ធរួច លោកតាជាំង ធីងជឺ បានថ្លែងទាំងទឹកភ្នែកនៅមុខផ្នូរថា «បងមកដល់ហើយ។ ខណៈពេលនៅមានជីវិតអូនជួបការលំបាកវេទនា និងបច្ចុប្បន្នបែរជានៅកណ្តោចកណ្តែងតែឯងទៀត សូមអភ័យទោសដល់បងដែលមិនអាចជួយអូនបាន ។ បងនឹងមកទីនេះ មកសួរសុខទុក្ខអូនប្រសិនបើបងនៅមានជីវិត និងនៅពេលដែលបងស្លាប់ នឹងមកនៅក្បែរអូនជារៀងរហូត» ។
កាសែតក្នុងស្រុក «ឈើងទូដេលី» បានសម្ភាសន៍ជាមួយពលរដ្ឋដែលរស់នៅជើងភ្នំចំនួន៣១នាក់ ដោយពួកគេបានរៀបរាប់ស្រដៀងគ្នាថា តែងតែឃើញលោកតាជាំង ធីងជឺ ឡើងភ្នំរៀងរាល់ថ្ងៃ ដើម្បីទៅកាន់ផ្នូរប្រពន្ធរបស់គាត់ ។ ក្នុងរយៈពេល១០ឆ្នាំកន្លងមក ពួកគេមិនសូវឃើញប្តី-ប្រពន្ធរបស់លោកតាជាំង ធីងជឺ ឈ្លោះគ្នាទេ ។ ពួកគាត់តែងតែដឹកដៃគ្នាដើរ ទោះបីជាទៅទីណាក៏ដោយនៅតំបន់វ៉ាន់យួន ខេត្តស៊ីឈួន ។
ប្រវត្តិស្នេហារបស់លោកតាជាំង ធីងជឺ គឺនៅពេលគាត់អាយុ២៦ឆ្នាំ បានសាងស្នេហ៍ជាមួយប្រពន្ធឈ្មោះជូ ធៀនគូ អាយុ១៦ឆ្នាំ ហើយពួកគេបានរៀបការជាមួយគ្នា ។ ក្រោយមកបុរសជាប្តី ត្រូវចេញទៅធ្វើការនៅខេត្តផ្សេង ដូច្នេះប្តីប្រពន្ធនេះរស់នៅបែកគ្នារយៈពេល៧ឆ្នាំ។ ខណៈពេលនាងជូ ធៀនគូ សម្រាលកូនទី២ នៅក្នុងឆ្នាំ១៩៥៩ លោកជាំង ធីងជឺ ចាប់ផ្តើមឈឺធ្ងន់ ហើយបាត់បង់ការងារក៏ធ្វើដំណើរត្រឡប់ទៅផ្ទះវិញ ។ ពេលនោះអ្នកភូមិនិយាយពាក្យចចាមអារ៉ាមថា នាងជូ ធៀនគូ ចង់លែងលះជាមួយប្តី ព្រោះរស់នៅបែកគ្នាក្នុងរយៈពេលយូរពេក ប៉ុន្តែតាមពិតនាងមិនមានបំណងបែបនោះទេ ។
លោកតាជាំង ធីងជឺ បញ្ជាក់ថា ប្រពន្ធតែងតែនៅក្បែររូបគាត់ក្នុងអំឡុងពេលជួបការលំបាកក្នុងជីវិត ។ ដើម្បីតបស្នងដល់ភរិយាដ៏ល្អ គាត់នៅរួមរស់ជាមួយនាង ដោយគ្មានចិត្តវៀចវេររហូតអស់មួយជីវិត ។ ពួកគាត់មានកូន៥នាក់ ហើយបច្ចុប្បន្នធំពេញវ័យ និងមានការងារ រៀងៗខ្លួន ។
កាលពីដំបូង លោកតាជាំង ធីងជឺ ចង់សាងសង់រោងគ្របពីលើផ្នូរប្រពន្ធ ប៉ុន្តែកូនចៅគ្រប់រូបមិនយល់ស្រប លុះក្រោយមកទើបពួកគេយល់ស្របតាមគាត់ ។កូនៗយល់ព្រមឱ្យឪពុកធ្វើដំណើរឡើងភ្នំចម្ងាយ១០គីឡូម៉ែត្រជាប្រចាំ ដើម្បីទៅផ្នូរប្រពន្ធ និងដូចជាឱ្យគាត់ហាត់ប្រាណផងដែរ ៕
ចែករំលែកព័តមាននេះ