រាជធានីភ្នំពេញ ៖ ពិធីការិនីរាងតូចច្រឡឹងអ្នកនាងខៀវ សានសាណា ដែលមានស្វាមីជាជនជាតិកាណាដា និងមានកូន២នាក់លេចឮថា បានបែកបាក់គ្នាហើយ ដោយបានឡើងតុលាការបញ្ចប់រឿងក្តីទៀតផង ។ លើសពីនេះមានព័ត៌មានថា សាណាមានស្នេហាថ្មីទៀតហើយ ជាថៅកែក្រុមហ៊ុនជនជាតិអាមេរិក
រាជធានីភ្នំពេញ ៖ ពិធីការិនីរាងតូចច្រឡឹងអ្នកនាងខៀវ សានសាណា ដែលមានស្វាមីជាជនជាតិកាណាដា និងមានកូន២នាក់លេចឮថា បានបែកបាក់គ្នាហើយ ដោយបានឡើងតុលាការបញ្ចប់រឿងក្តីទៀតផង ។ លើសពីនេះមានព័ត៌មានថា សាណាមានស្នេហាថ្មីទៀតហើយ ជាថៅកែក្រុមហ៊ុនជនជាតិអាមេរិក និងគ្រោងរៀបការនៅចុងឆ្នាំ២០១៤នេះ ។
កាលពីពេល ថ្មីៗនេះ គេឃើញអ្នកនាងខៀវ សានសាណា បណ្តើរបុរសម្នាក់សង្ស័យជាគូស្នេហ៍ថ្មីនោះ ចូលរួមពិធីជប់លៀងកម្មវិធីចែកវិញ្ញាបនបត្រដល់សិស្សរៀនផ្នែកកែសម្រស់នៅសាលារបស់អ្នកនាងគង់ សុជាតិ ។
កាលពីមួយរយៈមុនអ្នកនាងខៀវ សានសាណា បាត់មុខដោយចេញទៅរស់នៅប្រទេសកាណាដាជាមួយស្វាមី ដែលបម្រើការងារនៅអង្គការណាតូ ។ ពួកគេបានចូលរោងការតាមបែបគ្រឹស្តសាសនា នៅឯកាណាដា។ ចំណងស្នេហ៍នេះ អ្នកនាងសានសាណា មានកូន២នាក់ ហើយបានត្រលប់មកនៅកម្ពុជាវិញ ចាប់អាជីពជាពិធីការិនីដដែល ។
នៅពាក់កណ្តាលឆ្នាំ២០១៤នេះ លេចឮថាចំណងអាពាហ៍ពិពាហ៍របស់អ្នកនាងសាណា និងស្វាមី បានដាច់ដោចហើយ ដោយបញ្ចប់នៅតុលាការ ។ អ្វីដែលគួរឱ្យចាប់អារម្មណ៍នៅពេលនេះគឺលេចឮថា អ្នកនាងខៀវ សានសាណា ត្រៀមចូលរោងការជាមួយប្រធានក្រុមហ៊ុនមួយ ជាជនជាតិអាមេរិក មានវ័យស្របាលស្វាមីមុន ។ សាណា ឧស្សាហ៍ទៅបម្រើការងារឱ្យក្រុមហ៊ុននោះ ហើយភាពស្និទ្ធស្នាលជាមួយថៅកែក្លាយជាស្នេហា ។
តាំងពីបែកធ្លាយដំណឹងត្រៀមចូលរោងការជាមួយថៅកែរូបនោះមក ពេលទៅណាមកណាជាមួយគ្នាក្នុងកម្មវិធីជប់លៀងរបស់អ្នកសិល្បៈ អ្នកទាំងពីរមិនដែលហា៊នដើរចូលដំណាលគ្នាទេ គឺចូលមុន និងក្រោយដើម្បីបញ្ចៀសការតាមថតរបស់អ្នកសារព័ត៌មាន ។ បើទោះជាព្យាយាមលាក់បាំងគេឯងក្តី ប៉ុន្តែអ្នកសិល្បៈមួយចំនួនដៅថា បុរសនោះជាគូស្នេហ៍ថ្មីរបស់អ្នកនាងសានសាណា ។
ជាក់ស្តែងកាលពីរាត្រីថ្ងៃទី២៥ វិច្ឆិកា ២០១៤ ពិធីការិនីខៀវ សានសាណា បានបណ្តើរបុរសដែលគេសង្ស័យថាជាគូស្នេហ៍នោះ ចូលរួមពិធីជប់លៀងចែកវិញ្ញាបនបត្រ ជូនសិស្សរៀនផ្នែករក្សាសម្ផស្សនៅសាលារបស់ពិធីការិនីគង់ សុជាតិ ។ ភ្លាមនោះអ្នកនាងសាណា ត្រូវអ្នកនាងសុជាតិ អញ្ជើញឱ្យចូលរួមថតរូបទុកជាអនុស្សាវរីយ៍រួមគ្នាជាមួយបុរសម្នាក់នោះផងដែរ ។
តើបុរសនោះជាគូស្នេហ៍ថ្មីពិតមែន ឬយា៉ងណា ? អ្នកនាងសាណា នៅមិនទាន់ហា៊នទទួលស្គាល់ទេ បើទោះបីគេឃើញមានភាពស្និទ្ធស្នាលគួរឱ្យជឿថា ជាការណ៍ពិតក៏ដោយ ។ សាណា ធ្លាប់និយាយថា រវាងនាង និងបុរសនោះត្រឹមតែជាមេកើយនិងកូនចៅប៉ុណ្ណោះ ។
រឿងស្នេហ៍របស់អ្នកនាងសានសាណា ទាំងរឿងបែកបាក់គ្នា ទាំងរឿងសាងស្នេហ៍ថ្មី គ្រាន់តែជាការសង្ស័យរបស់មហាជនប៉ុណ្ណោះ ឯការណ៍ពិតយា៉ងណានោះ វាអាស្រ័យលើនាងផ្ទាល់ទើបអាចបញ្ជាក់បាន ៕
ចែករំលែកព័តមាននេះ