រាជធានីភ្នំពេញ ៖ លោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ កាលពីថ្ងៃទី២៦ វិច្ឆិកា បានឱ្យដឹងថា ស្ត្រីខ្មែររងគ្រោះ៣នាក់នឹងធ្វើមាតុភូមិនិវត្តន៍ពីប្រទេសចិននៅថ្ងៃទី២៧ វិច្ឆិកា នេះ ។
រាជធានីភ្នំពេញ ៖ លោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ កាលពីថ្ងៃទី២៦ វិច្ឆិកា បានឱ្យដឹងថា ស្ត្រីខ្មែររងគ្រោះ៣នាក់នឹងធ្វើមាតុភូមិនិវត្តន៍ពីប្រទេសចិននៅថ្ងៃទី២៧ វិច្ឆិកា នេះ ។ លោកបន្តថា ស្ថានអគ្គកុងស៊ុលកម្ពុជាប្រចាំនៅទីក្រុងក្វាងចូវ ប្រទេសចិន បានសហការជាមួយអាជ្ញាធរចិនជួយសង្គ្រោះស្ត្រីខ្មែរចំនួន៣នាក់ ដែលត្រូវបានមេខ្យល់បោកបញ្ឆោតនាំយកទៅរៀបការជាមួយបុរសជនជាតិចិន នៅខេត្តហ្វូចៀន ប្រទេសចិន ។
ស្ត្រីខ្មែររងគ្រោះទាំងបីនាក់នេះមានឈ្មោះសំណាង សុវណ្ណលីណា មានស្រុកកំណើតនៅខេត្តត្បូងឃ្មុំ ឈ្មោះអ៊ាង ភ័ណ្ឌ មានស្រុកកំណើតនៅខេត្តកំពង់ចាម និងឈ្មោះកែន ស្រីឡែន មានស្រុកកំណើតនៅរាជធានីភ្នំពេញ ។ ក្នុងពេលរង់ចាំធ្វើមាតុភូមិនិវត្តន៍មកកម្ពុជាវិញ ស្ថានអគ្គកុងស៊ុលកម្ពុជាបានផ្ដល់អាហារនិងស្នាក់នៅដល់ស្ត្រីរងគ្រោះទាំង៣នាក់ ហើយដោយពួកគាត់ពុំមានលិខិតឆ្លងដែនដោយសារមេខ្យល់លាក់ទុកនោះ ស្ថានអគ្គកុងស៊ុលកម្ពុជាបានចេញលិខិតបើកផ្លូវឱ្យ ហើយធ្វើការជាមួយអាជ្ញាធរចិនដើម្បីបានទិដ្ឋាការត្រឡប់មកកម្ពុជាវិញ ដែលនឹងមកដល់នៅថ្ងៃទី២៧ វិច្ឆិកា នេះនៅវេលាម៉ោង៣និង២០នាទីរសៀល ៕
ចែករំលែកព័តមាននេះ