ខេត្តរតនគិរី ៖ សកម្មភាពក្នុងការដឹកជញ្ជូនឈើប្រណីតរបស់ឈ្មួញម្នាក់ឈ្មោះ ចែ កប កំពុងមានសន្ទុះកើនឡើងកាន់តែខ្ពស់ជារៀងរាល់ថ្ងៃ ដោយឈ្មួញម្នាក់នេះបានធ្វើសកម្មភាពប្រមែប្រមូលទិញឈើប្រណីតពីឈ្មួញផ្សេងៗទៀត នៅស្រុកបរកែវ ហើយនាំចេញទៅលក់នៅប្រទេសវៀតណាម តាមច្រកទ្វារអូរយ៉ាដាវកម្ពុជា-វៀតណាម ដែលប្រើប្រាស់រថយន្តដឹកជញ្ជូនចំនួន២គ្រឿង រថយន្តម៉ាសាំយ៉ុង ពណ៌លឿង និងរថយន្តម៉ាកកាមរីហើម ពណ៌ឈាមជ្រូក ។
ជាក់ស្តែងកាលពីថ្ងៃទី២៦ ខែវិច្ឆិកា ឆ្នាំ២០១៤ វេលាម៉ោង៦ព្រឹក នៅត្រង់ចំណុចមុខប៉ារ៉ាស់ច្រកទ្វារអន្តរជាតិអូរយ៉ាដាវ ដោយរថយន្តទាំង២គ្រឿងខាងលើនេះកំពុងផ្ទុកឈើប្រណីតពេញដោយធ្វើការដឹកជញ្ជូនចេញពីស្រុកបរកែវ ទៅចតនៅមាត់ច្រកដើម្បីរងចាំពេលវេលានៃការបើកទ្វាររបស់សមត្ថកិច្ច និងអាងបើកចូលទៅលក់ឱ្យវៀតណាម មិនត្រឹមតែប៉ុណ្ណោះឈ្មួញខាងលើនេះបានធ្វើសកម្មភាពដឹកជញ្ជូនឈើជារៀងរាល់ថ្ងៃទៅលក់នៅប្រទេសវៀណាម ដោយសារពួកគេត្រូវរ៉ូវគ្នាជាមួយសមត្ថកិច្ចប៉ូសេដ្ឋកិច្ចខេត្ត-ក្រសួង និងសមត្ថកិច្ចច្រកទ្វាររួចជាស្រេចហើយនោះ ។
មេឈ្មួញមានឈ្មោះខាងលើនេះបានអួតអាងដាក់អ្នកកាសែតបើចង់ថតចុះ អត់ឃាត់ទេ ព្រោះគាត់បានបង់លុយឱ្យស្ថាប័នមេព្រៃរហូដល់ស្ថាប័នខេត្ត បើសមត្ថកិច្ចប៉ូលិសវិញចាប់ពីថ្នាក់មេប៉ុស្តិ៍ រហូតដល់ស្នងការខេត្ត បើមន្ត្រីច្រកទ្វារអន្តរជាតិអូរយ៉ាដាវវិញ បង់គ្រប់ស្ថាប័ន មានតែស្ថាប័នលោកសង្ឃទេអត់បង់ឱ្យ។ ចំណែកច្រក១៩នៅខ្វះ២០០ម៉ែត្របត់ខាងស្តាំងខាងក្រោយកាស៊ីណូមានរថយន្តស៊េរីទំនើបដឹកចូលជារៀងរាល់យប់រាល់ថ្ងៃពី១០ ទៅ២០ គ្រឿង។
ចែករំលែកព័តមាននេះ