ខេត្តបន្ទាយមានជ័យ ៖ នគរបាលក្រុងប៉ោយប៉ែតបានបើកប្រតិបត្តិការឆែកឆេរអាវុធជាតិផ្ទុះ៤គោលដៅនៅក្នុងសង្កាត់ចំនួន២គឺ សង្កាត់ផ្សារកណ្ដាល និង សង្កាត់ប៉ោយប៉ែត ក្រុងប៉ោយប៉ែត រកបទល្មើសផ្សេងៗនិងអាវុធជាតិផ្ទុះដើម្បីការពារសន្តិសុខនិងសណ្ដាប់ធ្នាប់ជូនប្រជាពលរដ្ឋក្នុងការរស់នៅ ។ ប្រតិបត្តិការឆែកឆេរ
ខេត្តបន្ទាយមានជ័យ ៖ នគរបាលក្រុងប៉ោយប៉ែតបានបើកប្រតិបត្តិការឆែកឆេរអាវុធជាតិផ្ទុះ៤គោលដៅនៅក្នុងសង្កាត់ចំនួន២គឺ សង្កាត់ផ្សារកណ្ដាល និង សង្កាត់ប៉ោយប៉ែត ក្រុងប៉ោយប៉ែត រកបទល្មើសផ្សេងៗនិងអាវុធជាតិផ្ទុះដើម្បីការពារសន្តិសុខនិងសណ្ដាប់ធ្នាប់ជូនប្រជាពលរដ្ឋក្នុងការរស់នៅ ។ ប្រតិបត្តិការឆែកឆេររកបទល្មើសនេះសមត្ថកិច្ចបានត្រួតពិនិត្យគ្រប់យានយន្តធំតូចទាំងអស់មកពីគ្រប់គោលដៅនៅព្រលប់ថ្ងៃទី២៦ ខែវិច្ឆិកា ឆ្នាំ២០១៤នេះ ។
លោក អ៊ុំ សុផល អធិការនគរបាលក្រុងប៉ោយប៉ែតបានប្រាប់កោះសន្តិភាពថាការបើកប្រតិបត្តិការត្រួតអាវុធជាតិផ្ទុះនេះធ្វើឡើងតាមបទបញ្ជាពីលោកឧត្តមសេនីយ៍ អាត់ ខែម ស្នងការនគរបាលខេត្តហើយគោលដៅដែលដាក់ត្រួតពិនិត្យត្រូវលោកប្រាប់ថា៤កន្លែងក្នុងសង្កាត់ប៉ោយប៉ែត និង សង្កាត់ផ្សារកណ្ដាល ។
គួរបញ្ជាក់ថា២ខែចុងក្រោយនេះនៅក្រុងប៉ោយប៉ែតប្រជាពលរដ្ឋហាក់មានការភ័យខ្លាចនៅអំពើរចោរកម្មកាច់សោម៉ូតូ ,លួច,ឆក់,ដាក់ថ្នាំគាស់ផ្ទះលួចទ្រព្យសម្បត្តិកើតមានស្ទើររាល់ថ្ងៃនិងយប់ហើយប្រតិបត្តិការឆែកឆេរអាវុធជាតិផ្ទុះដើម្បីពង្រឹងសន្តិសុខជូនប្រជាពលរដ្ឋនេះប្រជាពលរដ្ឋត្រេកអរតែពួកគាត់ថាបើសមត្ថកិច្ចចាត់ការល្បែងស៊ីសងអត់ច្បាប់ឲ្យអស់ទើបជារឿងត្រឹមត្រូវ ។ ដោយសារបញ្ហាខាងលើនេះទើបសមត្ថកិច្ចខិតខំឆែកឆេររកអាវុធជាតិផ្ទុះជាញឹកញាប់ ។
ចែករំលែកព័តមាននេះ