ខេត្តព្រះវិហារ ៖ តាមសេចក្តីរាយការណ៍ជាក់លាក់មួយបានឱ្យដឹងថាលោកគឹម ចេត្តាវី នាយផ្នែករដ្ឋបាលព្រៃឈើឆែបរួមនិងមន្រ្តីក្រោមឱវាទកំពុងតែជិះសេះលែងដៃក្នុងដែនរបស់ខ្លួនគ្រប់គ្រងបណ្តែតបណ្តោយឱ្យរថយន្តទំនើបដឹកជញ្ជូនប្រភេទឈើប្រណីតឆ្លងកាត់ទាំងយប់ទាំងថ្ងៃយ៉ាងគគ្រឹកគគ្រេង ។ ប្រភពដដែលបានបន្ត
ខេត្តព្រះវិហារ ៖ តាមសេចក្តីរាយការណ៍ជាក់លាក់មួយបានឱ្យដឹងថាលោកគឹម ចេត្តាវី នាយផ្នែករដ្ឋបាលព្រៃឈើឆែបរួមនិងមន្រ្តីក្រោមឱវាទកំពុងតែជិះសេះលែងដៃក្នុងដែនរបស់ខ្លួនគ្រប់គ្រងបណ្តែតបណ្តោយឱ្យរថយន្តទំនើបដឹកជញ្ជូនប្រភេទឈើប្រណីតឆ្លងកាត់ទាំងយប់ទាំងថ្ងៃយ៉ាងគគ្រឹកគគ្រេង ។ ប្រភពដដែលបានបន្តទៀតថាបានជាបទល្មើសព្រៃឈើធ្វើការដឹកជញ្ជូនបានយ៉ាងស្រួលបែបនេះក៏ដោយសារភាពខ្សោយរបស់សមត្ថកិច្ចជំនាញរដ្ឋបាលព្រៃឈើឆែបគ្មានម្ចាស់ការទទួលខុសត្រូវកាព្វកិច្ចរបស់ខ្លួន ។
តាមការឲ្យដឹងពីមន្រ្តីសាលាស្រុកឆែបសុំមិនបញ្ចេញឈ្មោះបានខ្សឹបប្រាប់កោះសន្តិភាពថាឈើប្រណីតប្រភេទលេខ១ធ្នង់ដែលលោក គឹម ចេត្តាវី នាយផ្នែករបាលព្រៃឈើឆែបចុះបង្រ្កាបបានពីជនល្មើសកន្លងមកហើយរឹបអូសដាក់ខាងមុខនិងក្រោយចំហៀងមានចំនួន៦ទៅ៧ម៉ែត្រគូប និងមានបណ្តោយ២ម៉ែត្រកន្លះទៅ៣ម៉ែត្រ ផ្នែករដ្ឋបាលព្រៃឈើមួយចំនួនធំពុំបានធ្វើសំណុំរឿងចងក្រងឯកសារបញ្ជូនទៅថ្នាក់លើ(ឈើអត់ចូលអាំងវាំងទែ) ឈើមិនប្រក្រតី ។ ប្រភពដដែលបន្តទៀតថាកាលដែលលោកនាយផ្នែករដ្ឋបាលព្រៃឈើឆែបឈ្មោះ គឹម ចេត្តាវី ចាប់អូសឈើបានពីជនល្មើមិនចងក្រង(អាំងវាំងទែ)ទុកសំរាប់ប្រើប្រាស់បុគ្គលនិងបក្ខពួករបស់ខ្លួន (ស៊ីដាច់) ហើយជាងនេះទៅទៀតជារឿយៗប្រជាពលរដ្ឋក៏មន្ត្រីរាជការនៅក្នុងស្រុកឆែបគេសង្កេតឃើញសមត្ថកិច្ចរដ្ឋបាលព្រៃឈើផ្នែកឆែបដឹកជញ្ជូនឈើដែលចាប់បានពីជនល្មើសដឹកចូលរោងសប្បកម្មជាញឹកញាប់ ។ប្រភពដដែលបានបន្តទៀតថាឈើប្រណីតប្រភេទលេខ១ធ្នង់ដែលសមត្ថកិច្ចរដ្ឋបាលព្រៃឈើចុះបង្ក្រាបបានពីជនល្មើសកាលពីថ្មីៗកន្លងទៅមិនត្រូវបានចុះបញ្ជីឬចងក្រងជាឯកសារអ្វីឡើយព្រោះឈើប្រភេទប្រណីតលេខ១ធ្នង់កំពង់តែមានហាងឆេងខ្ពស់នៅលើទីផ្សារប្រទេសកម្ពុជា។ ពាក់ពន្ធ័និងភាពមិនប្រក្រតីផ្នែករដ្ឋបាលព្រៃឈើឆែបកោះសន្តិភាពមិនអាចសុំការបំភ្លឺពីលោក គឹម ចេត្តាវី បានឡើយកាលពីរវេលាម៉ោង១០ និង០៥នាទី ព្រឹកថ្ងៃទី២៦ ខែវិច្ឆិកា ឆ្នាំ២០១៤ ដោយហៅទូរស័ព្ទចូលគ្មានអ្នកទទួល។
គួរបញ្ជាក់ផងដែរថាពាក់ពន្ធ័និងករណីសមត្ថកិច្ចរដ្ធបាលព្រៃឈើចុះយុទ្ធនាការបង្រ្កាបបទល្មើសព្រៃឈើនៅក្នុងខេត្តព្រះវិហារកន្លងមកហើយនៅតាមអង្គភាពសង្កាត់ ផ្នែក ខណ្ឌរបស់មន្រ្តីជំនាញដែលចាប់បានឈើហើយមិនចងក្រងឯកសារបញ្ជូនទៅលើ(ឈើអត់ចូលអាំងវាំងទែ)ធ្លាប់ឈ្លោះគ្នាយ៉ាងខ្លាំងរហូតឮដំណឹងមិនល្អដល់លោកអធិការដ្ឋានរដ្ឋបាលព្រៃឈើខាងបឹងទន្លេសាបចុះមកសំរុះសប្រួលម្តងមកហើយព្រោះតែលាភសក្ខារ:ចែកគ្នាមិនដាច់ ។ហើយទំលាប់អាក្រក់ទាំងសព្វថ្ងៃនៅតាមបណ្តាសង្កាត ផ្នែក ខណ្ឌ កំពុងតែអនុវត្តរបៀបនេះជាពិសេសនៅផ្នែករដ្ធបាលព្រៃឈើឆែប គួរណាស់លោក ឆេង គឹមស្រ៊ុន ប្រតិភូរាជរដ្ឋាភិបាលកម្ពុជានិងជាប្រធានរដ្ឋាបាលព្រៃឈើមេត្តាប្រមើលមើលកូនចៅនៅទឹកដីព្រះវិហារខ្លះៗផងកំឲ្យជិះសេះប្រលែងដៃខ្លាំងពេកព្រោះគំរូអាក្រក់ទាំងអស់នេះធ្វើឱ្យខូចឈ្មោះស្ថាប័នមេព្រៃជាពិសេសធ្វើឱ្យបាត់បង់ចំណូលថវិកាជាតិយ៉ាងច្រើន ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ