រាជធានីភ្នំពេញ ៖ មកដល់ម៉ោង៤ និង៣០នាទីរសៀលថ្ងៃដដែលនេះ តាមប្រភពព័ត៌មានបានបង្ហើបឱ្យដឹងថា សមត្ថកិច្ចបានរកឃើញថ្នាំញៀនប្រមាណជិត៣គីឡូក្រាមទៀត ខណៈការឆែកឆេរនៅតែបន្តនៅឡើយ។
គួររំលឹកថា ក្នុងប្រតិបត្តិការចុះបង្ក្រាបគ្រឿងញៀននៅចំណុចផ្ទះល្វែងសង់ថ្មី ស្ថិតក្នុងសង្កាត់បឹងសាឡាង ខណ្ឌទួលគោក រហូតមកដល់វេលាម៉ោង៤រសៀលនេះ សមត្ថកិច្ចបន្តឆែកឆេររកឃើញថ្នាំញៀនម៉ាទឹកកកប្រមាណជា១គីឡូក្រាម និងប្រាក់ដុល្លារជាច្រើនទៀត ក្រៅពីនោះថ្នាំញៀនមួយចំនួនទៀតត្រូវក្រុមគ្រួសារជនសង្ស័យបំផ្លាញចោល ខណៈពេលសមត្ថកិច្ចចុះមកដល់ ហើយរង់ចាំព្រះរាជអាជ្ញាចុះឆែកឆេរ។
សេចក្តីរាយការណ៍បានឱ្យដឹងថា នៅពេលមុននេះបន្តិចគេសង្កេតឃើញលោកជួន សុវណ្ណ អគ្គស្នងការរងនគរបាលជាតិបានចុះមកដល់កន្លែងកើតហេតុនោះដែរ។
សេចក្តីរាយការណ៍បានបញ្ជាក់ថា មកដល់វេលាម៉ោង៤រសៀល ថ្ងៃទី២៦ វិច្ឆិកា ដដែលនេះសមត្ថកិច្ចមិនទាន់បញ្ចប់ការឆែកឆេរនៅឡើយ៕
ចែករំលែកព័តមាននេះ