រាជធានីភ្នំពេញ ៖ បុរសចំណាស់ម្នាក់បែកមុខបែកមាត់សុទ្ធតែឈាមមើលលែងស្គាល់ ខណៈពេលជិះម៉ូតូទៅបុករទេះដឹកសំរាមរបស់ក្រុមហ៊ុនស៊ិនទ្រីកំពុងតែឈប់រើសសំរាមតាមផ្លូវជាតិលេខ២ ចំងាយពីរង្វង់មូលព្រះនារាយណ៍ប្រមាណ៣០ម៉ែត្រ ក្នុងភូមិព្រែកតាឡុង៣ សង្កាត់ចាក់អង្រែក្រោម កាលពីវេលាម៉ោង១១ និង៥០នាទីយប់ ថ្ងៃទី២៥ វិច្ឆិកា ។
រាជធានីភ្នំពេញ ៖ បុរសចំណាស់ម្នាក់បែកមុខបែកមាត់សុទ្ធតែឈាមមើលលែងស្គាល់ ខណៈពេលជិះម៉ូតូទៅបុករទេះដឹកសំរាមរបស់ក្រុមហ៊ុនស៊ិនទ្រីកំពុងតែឈប់រើសសំរាមតាមផ្លូវជាតិលេខ២ ចំងាយពីរង្វង់មូលព្រះនារាយណ៍ប្រមាណ៣០ម៉ែត្រ ក្នុងភូមិព្រែកតាឡុង៣ សង្កាត់ចាក់អង្រែក្រោម កាលពីវេលាម៉ោង១១ និង៥០នាទីយប់ ថ្ងៃទី២៥ វិច្ឆិកា ។
ប្រភពព័ត៌មានបានឲ្យដឹងថា មុនពេលកើតហេតុគេឃើញបុរសម្នាក់ ឈ្មោះ លឹម សេងប៉ោ ភេទប្រុស អាយុ៥៤ឆ្នា ស្នាក់នៅផ្ទះលេខ៤៣៧ ផ្លូវលេខ២៧១ ភូមិ១ សង្កាត់ផ្សារដើមថ្កូវ ខណ្ឌចំការមន មានស្រុកកំណើតនៅភូមិព្រែកតាដុង ឃុំព្រែកថ្មី ស្រុកកោះធំ ខេត្តកណ្តាល ជិះម៉ូតូវ៉េវអាល់ហ្វា ពណ៌ខ្មៅ បើកបរពីលិចទៅកើត ពេលមកដល់ចំណុចខាងលើដោយសារតែផ្លូវងងឹតពេកបានជិះទៅបុករទេះដឹកសំរាមរបស់ក្រុមហ៊ុនស៊ិនទ្រីដែលចតកើបសំរាមតាមចិញ្ចើមផ្លូវបណ្តាលឲ្យបែកមុខបែកមាត់រងរបួសធ្ងន់ ។
ក្រោយពេលកើតហេតុអ្នករងរបួសធ្ងន់ត្រូវរថយន្តសង្គ្រោះដឹកយកទៅព្យាបាលនៅគ្លីនិកឯកជន រីឯម៉ូតូសមត្ថកិច្ចយកទៅរក្សាទុកនៅប៉ុស្តិ៍ចាក់អង្រែក្រោម ។ សមត្ថកិច្ចនិងប្រជាពលរដ្ឋរស់នៅក្នុងមូលដ្ឋានកើតហេតុខាងលើបានលើកឡើងថា បង្គោលភ្លើងតាមផ្លូវជាតិលេខ២នេះប្រមាណជាង២០បង្គោលបានដាច់អំពូលអត់ឆេះរាប់ឆ្នាំមកហើយ ហេតុអីក៏អត់មានមន្ត្រីពាក់ព័ន្ធណាមួយចុះទៅដាក់សោះអញ្ចឹង ទោះបីជាពួកគាត់បាននាំគ្នាទៅសួរដល់សាលាខណ្ឌមានជ័យជាច្រើនច្រើនសាហើយក៏នៅតែមិនឃើញដាក់ដដែល នៅតែងងឹតបង្កឲ្យមានគ្រោះថ្នាក់ចរាចរណ៍ជាញឹកញាប់ ។ ដោយឡែករង្វង់មូលព្រះនារាយណ៍ស្ថិតក្នុងក្រុងតាខ្មៅចំងាយពីគ្នាប្រមាណ៣០ម៉ែត្រប៉ុណ្ណោះមានភ្លើងភ្លឺចិញ្ចាច ចុះក្រុងភ្នំពេញហេតុអីក៏ងងឹតអត់មានភ្លើងទៅវិញ ៕
ចែករំលែកព័តមាននេះ