រាជធានីភ្នំពេញ ៖ បុរសម្នាក់ជាសន្ដិសុខក្រុមហ៊ុនមួយត្រូវបានអ្នកភូមិចាប់ខ្លួនក្នុងខណៈពេលដែលជននោះលបចូលទៅធ្វើសកម្មភាពចាប់ស្ត្រីម្នាក់ដែលត្រូវជាប្រពន្ធមិត្តភក្ដិរបស់ខ្លួនរំលោភសេពសន្ថវៈ ខណៈប្ដីនាងមិននៅ ដោយជាប់រវល់ចេញទៅផ្សារហើយនាងនៅផ្ទះតែម្នាក់ឯង ។ ប៉ុន្តែសកម្មភាពខាងលើនោះមិនបានសម្រេចទេ ដោយសារនៅខណៈដែលជនឈាមរាវនេះកំពុងចាប់ឱបថើបបឺតមាត់នាងយ៉ាងញក់ញី ក្នុងបំណងធ្វើឱ្យនាងមានអារម្មណ៍ស្រើបស្រាលនោះ បែរជានាងមិនស្រើបស្រាលជាមួយ ក៏ខាំអណ្ដាតនិងម្រាមដៃបណ្ដាលឱ្យជននេះស្រែក ដោយឈឺចាប់ក៏ស្ទុះរត់ចេញយករួចខ្លួនព្រោះឈឺខ្លាំងណាស់ ទើបមានការភ្ញាក់ផ្អើលដល់អ្នកដែលស្នាក់នៅបន្ទប់ក្បែរនោះ ដេញចាប់បានប្រគល់ឱ្យប៉ូលិសប៉ុស្ដិ៍ចោមចៅចាត់ការទៅតាមផ្លូវច្បាប់ ។
ហេតុការណ៍នេះបានកើតឡើងកាលពីវេលាម៉ោង៧ និង២៥នាទីយប់ថ្ងៃទី២៤ វិច្ឆិកា នៅត្រង់ចំណុចបន្ទប់លេខ១៦ផ្ទះជួល ភូមព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ ។ ជនកំហូចម្នាក់នោះឈ្មោះ ទូច វីរៈ អាយុ២២ឆ្នាំ ជាសន្ដិសុខ ក្រុមហ៊ុនសន្ដិសុខ២៤ម៉ោង ដែលមានទីតាំងស្ថិតនៅក្នុងភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ ស្នាក់នៅក្នុងទីតាំងក្រុមហ៊ុននោះ ។ ចំណែកស្ត្រីរងគ្រោះអាយុ២៨ឆ្នាំ ស្នាក់ក្នុងបន្ទប់ជួលខាងលើ ។
តាមប្រភពព័ត៌មានបានឱ្យដឹងថា ជនកំហូចម្នាក់នោះនិងបុរសជាប្ដីស្ត្រីរងគ្រោះគឺជាមិត្តភក្ដិជិតស្និទ្ធនឹងគ្នា ។ នៅមុនពេលកើតហេតុប្ដីរបស់នាងមានរវល់ចេញទៅក្រៅផ្ទះ បានទុកឱ្យនាងដែលជាប្រពន្ធនៅផ្ទះតែម្នាក់ឯង ។ ខណៈនោះជនឈាមរាវជាក្លើបានលួចចូលទៅសម្ងំក្នុងបន្ទប់ផ្ទះជួលដែលនាងស្នាក់នៅ ហើយបានធ្វើសកម្មភាពចាប់នាងផ្ដួលទៅលើឥដ្ឋការ៉ូ បន្ទាប់មកបានឱបថើបបឺតមាត់នាង យ៉ាងក្រហល់ក្រហាយក្នុងបំណងដុតកម្ដៅតណ្ហាឱ្យនាងមានអារម្មណ៍ពុះកញ្ជ្រោលជាមួយខ្លួន ។
ប្រភពដដែលបានបន្តថា ពេលនោះនាងមិនត្រឹមតែអត់មានអារម្មណ៍ជាមួយប៉ុណ្ណោះទេ បែរជាមានកំហឹងពុះកញ្ជ្រោលទៅវិញក៏បានខំរើបម្រះអស់ពីកម្លាំងកាយចិត្ត និងបានខាំអណ្ដាតនិងម្រាមដៃជននោះយកឈ្នះដៃបណ្ដាលឱ្យស្រែកដូចគេសំពងរងរបួសហូរឈាមកក្លាក់ ទើបជននោះលែងនាងដោយស្វ័យប្រវត្តិ ហើយនាងក៏មានឱកាសបានស្រែកឱ្យអ្នកជិតខាងជួយបង្កឱ្យមានការភ្ញាក់ផ្អើលទាំងយប់ ។ ភ្លាមៗនោះអ្នកជិតខាងបាននាំគ្នាចេញមកជួយចាប់ខ្លួនបានរួចប្រគល់ឱ្យប៉ូលិសប៉ុស្ដិ៍ចោមចៅ ដើម្បីសាកសួរនិងកសាងសំណុំរឿង ។ ក្រោយពេលសាកសួរនៅប៉ុស្ដិ៍ចោមចៅបានមួយជំហានរួច ជននោះត្រូវបញ្ជូនបន្តទៅកាន់ផ្នែកព្រហ្មទណ្ឌខណ្ឌពោធិ៍សែនជ័យ ដើម្បីសាកសួរបន្តនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ។
អ្នកមាត់ដាចនិយាយថា មានតែការចាយលុយទិញស្នេហាទេទើបអាចសប្បាយអស់ចិត្តអស់ចង់បាន តាមបំណងតណ្ហា ហើយក៏មិនខ្វះនោះទេ នារីបម្រើផ្លូវភេទដែលចាំទទួល ។ ការប្រើកម្លាំងបាយដ៏ឆោតល្ងង់ចាប់បង្ខំរួមរ័កស្នេហាបែបនេះ ទោះបីបានសម្រេចតែមួយប៉ព្រិចភ្នែកក៏ដោយ តែលទ្ធផលចុងក្រោយគឺទោសដេកគុកមិនខានឡើយ ៕
ចែករំលែកព័តមាននេះ