រាជធានីភ្នំពេញ ៖ ជនសង្ស័យ៥នាក់ ប្រដាប់ដោយដាវសុំាម៉ូរៃជាច្រើនដើម បានធ្វើសកម្មភាពភ្ជង់ប្លន់ម៉ូតូម៉ាក អាយខុន ស៊េរីឆ្នាំ២០១០ ពីបុរសម្នាក់បានសម្រេចដោយសុវត្ថិភាពនៅចំណុចទល់មុខរោងចក្របារីសេក ស្ថិតតាមបណ្តោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ កាលពីវេលាម៉ោង១អាធ្រាត្រ ឈាន
រាជធានីភ្នំពេញ ៖ ជនសង្ស័យ៥នាក់ ប្រដាប់ដោយដាវសុំាម៉ូរៃជាច្រើនដើម បានធ្វើសកម្មភាពភ្ជង់ប្លន់ម៉ូតូម៉ាក អាយខុន ស៊េរីឆ្នាំ២០១០ ពីបុរសម្នាក់បានសម្រេចដោយសុវត្ថិភាពនៅចំណុចទល់មុខរោងចក្របារីសេក ស្ថិតតាមបណ្តោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ កាលពីវេលាម៉ោង១អាធ្រាត្រ ឈានចូលថ្ងៃទី ២៦ ខែវិច្ឆិកា ឆ្នាំ២០១៤ ។
ជនរងគ្រោះក្នុងអំពើប្លន់ខាងលើនេះ មានឈ្មោះ គឹម វិបុល អាយុ២៥ឆ្នាំ ស្នាក់នៅភូមិត្នោតជ្រុំ សង្កាត់បឹងទំពុន ខណ្ឌមានជ័យ មុខរបរជាមន្ត្រីរាជការ ។
យោងតាមការរៀបរាប់របស់ជនរងគ្រោះ បានឱ្យដឹងថា នៅមុនពេលមានហេតុការណ៍នេះកើតឡើង គឺដំបូងឡើយ បុរសរងគ្រោះបានជិះម៉ូតូមួយគ្រឿងម៉ាកអាយខុន ពណ៌ទឹកក្រូច ពាក់ស្លាកលេខ កណ្តាល 1Q-0023 ជិះធ្វើដំណើរតាមបណ្តោយផ្លូវជាតិលេខ២ ទិសដៅពីត្បូងទៅជើង លុះជិះមកជិតដល់កន្លែងកើតហេតុ ម៉ូតូរបស់ខ្លួនក៏អស់សាំង ទើបបណ្តើររហូតមកដល់ចំណុចកើតហេតុខាងលើនេះ ស្រាប់តែមានជនសង្ស័យមួយ ក្រុមមានគ្នា៥នាក់ ប្រដាប់ដោយដាវសុំាម៉ូរៃ ជាច្រើនដើម បានធ្វើសកម្មភាពភ្ជង់ប្លន់គំរាមឱ្យយុវជនរងគ្រោះ ចុះពីលើម៉ូតូ ហើយជនរងគ្រោះក៏បានចុះពីលើម៉ូតូតាមសម្រួល ប៉ុន្តែដោយសារតែម៉ូតូអស់សាំង ជនសង្ស័យទាំង៣នាក់ក្នុងចំណោមបក្ខពួក៥នាក់ បានជិះម៉ូតូយកទៅចាក់សាំង ដោយទុកបក្ខពួក២នាក់ទៀត ឱ្យនៅគំរាមជនរងគ្រោះ កុំឱ្យស្រែកឆោរឡោថែមទាំងយកដាវកាប់ជនរងគ្រោះចំនួន១ដាវបណ្តាលឱ្យរងរបួសផង ដែរ។ ក្រោយបក្ខពួកចាក់សាំងម៉ូតូរួចរាល់ហើយនោះ បានជិះមកត្រឡប់យកបក្ខពួក២នាក់ដែលនៅគំរាម ជនរងគ្រោះ ហើយដឹកគ្នាចេញទៅបាត់ដោយសុវត្ថិភាព ។
ក្រោយកើតហេតុភ្លាមៗ សមត្ថកិច្ចបានចុះអន្តរាគមន៍ដល់កន្លែងកើតហេតុ និងនាំជនរងគ្រោះទៅធ្វើការដាក់ពាក្យបណ្តឹងនៅប៉ុស្តិ៍រដ្ឋបាលនគរបាលចាក់អង្រែលើ រួចទំនាក់ទំនងទៅសាច់ញាតិឱ្យមកទទួលយកទៅ គេហដ្ឋានវិញ ។
ចែករំលែកព័តមាននេះ