រាជធានីភ្នំពេញ ៖ ជនសង្ស័យម្នាក់ចូលលួចកាត់ខ្សែភ្លើងនៅក្នុងការដ្ឋានសំណង់មួយកន្លែងត្រូវបានក្រុមកម្មករសំណង់ឃើញទាន់នាំគ្នាព័ទ្ធចាប់វាយឡើងទ្រមខ្លួន រួចរាយការណ៍ទៅសមត្ថកិច្ចឱ្យមកទទួលយកជនសង្ស័យទៅចាត់ការតាមផ្លូវច្បាប់ ។ ហេតុការណ៍នេះកើតឡើងកាល ពីវេលាម៉ោង៣ ទាបភ្លឺថ្ងៃទី ២៦ វិច្ឆិកា
រាជធានីភ្នំពេញ ៖ ជនសង្ស័យម្នាក់ចូលលួចកាត់ខ្សែភ្លើងនៅក្នុងការដ្ឋានសំណង់មួយកន្លែងត្រូវបានក្រុមកម្មករសំណង់ឃើញទាន់នាំគ្នាព័ទ្ធចាប់វាយឡើងទ្រមខ្លួន រួចរាយការណ៍ទៅសមត្ថកិច្ចឱ្យមកទទួលយកជនសង្ស័យទៅចាត់ការតាមផ្លូវច្បាប់ ។ ហេតុការណ៍នេះកើតឡើងកាលពីវេលាម៉ោង៣ ទាបភ្លឺថ្ងៃទី ២៦ វិច្ឆិកា ២០១៤ នៅចំណុចការដ្ឋានសំណង់មួយកន្លែង តាមបណ្តោយផ្លូវបេតុងចូលបូរីអូរបែកក្អម ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ជនសង្ស័យឈ្មោះ ស្រេង ហុក ភេទប្រុស អាយុ៣៦ឆ្នាំ ស្នាក់នៅផ្ទះជួលក្រោយផ្សារហេង លី និងមានស្រុកកំណើតក្នុងភូមិព្រៃរលួស ឃុំព្រៃបាក់ ខេត្តកំពង់ចាម ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុជនសង្ស័យខាងលើបានចូលមកលួចកាត់ ខ្សែភ្លើងក្នុងការដ្ឋានសំណង់ ពេលកំពុងតែកាត់ស្រាប់តែកម្មករសំណង់នៅទីនោះក្រោកពីដេកបានឃើញជនសង្ស័យរូបនេះកំពុងតែធ្វើសកម្មភាពកាត់ខ្សែភ្លើង ក៏បានដាស់កម្មករសំណង់ផ្សេងៗទៀតឱ្យភ្ញាក់ហើយនាំគ្នាឡោមព័ទ្ធជនសង្ស័យខាងលើចាប់វាយឡើងទ្រមខ្លួនតែម្តង។ បន្ទាប់មកក្រុមកម្មករសំណង់ក៏បានរាយការណ៍ជូនសមត្ថកិច្ចឱ្យមកទទួលយកជនសង្ស័យទៅចាត់ការតាមផ្លូវច្បាប់ ។
ចែករំលែកព័តមាននេះ