រាជធានីភ្នំពេញ ៖ កម្លាំងកងរាជអាវុធហត្ថក្រុង សហការជាមួយកម្លាំងកងរាជអាវុធហត្ថខណ្ឌពោធិ៍សែនជ័យក្រោមការដឹកនាំផ្ទាល់ពីលោករ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ និងលោក ជឹម រិទ្ធី មេបញ្ជាកាកងរាជអាវុធហត្ថខណ្ឌពោធិ៍សែនជ័យ បានបើកប្រតិបត្តិការដេញចាប់ជនសង្ស័យបាន២នាក់និងម៉ូតូ
រាជធានីភ្នំពេញ ៖ កម្លាំងកងរាជអាវុធហត្ថក្រុង សហការជាមួយកម្លាំងកងរាជអាវុធហត្ថខណ្ឌពោធិ៍សែនជ័យក្រោមការដឹកនាំផ្ទាល់ពីលោករ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ និងលោក ជឹម រិទ្ធី មេបញ្ជាកាកងរាជអាវុធហត្ថខណ្ឌពោធិ៍សែនជ័យ បានបើកប្រតិបត្តិការដេញចាប់ជនសង្ស័យបាន២នាក់និងម៉ូតូស្គូពី មួយគ្រឿង ។ ហេតុការណ៍នេះកើតឡើងនៅវេលាម៉ោង២ និង៣០នាទី រំលងអាធា្រត្រ ឈានចូលថ្ងៃទី២៦ វិចិ្ឆកា ២០១៤ នៅចំណុចទល់មុខមន្ទីរពេទ្យសម្រាកព្យាបាល ឈាន ថៃ តាមផ្លូវ១០៥K ច្រកចូលវត្តតាំងក្រសាំង ស្ថិតក្នុងសង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុនោះកម្លាំងកងរាជអាវុធហត្ថជាច្រើននាក់ដែលចុះល្បាតតាមគោលដៅ បានប្រទះឃើញជនសង្ស័យ៣នាក់ ជិះម៉ូតូស្គូពី ស៊េរីឆ្នាំ២០១៥ មួយគ្រឿងពណ៌ស អត់ស្លាកលេខ ដែលធ្វើដំណើរតាមហាវិថីសហព័ន្ធរុស្ស៊ី កម្លាំងកងរាជអាវុធហត្ថក៏ជិះម៉ូតូដេញតាម ពេលនោះជនសង្ស័យបានបន្ថែមល្បឿនមកដល់មុខអាកាសយានដ្ឋានភ្នំពេញអន្តរជាតិ ក៏បានបត់ស្តាំចូលតាមផ្លូវ១០៥K ច្រកចូលវត្តតាំងក្រសាំង ។ ដោយកម្លាំងកងរាជអាវុធហត្ថដេញពីក្រោយយ៉ាងប្រកៀកប្រកិតនោះ ក្រុមជនសង្ស័យបានបត់ម៉ូតូចូលផ្លូវក្រោយមន្ទីរពេទ្យសម្រាកព្យាបាល ឈាន ថៃ ហើយបានកាច់សោ.ក ម៉ូតូ បម្រុងរត់គេចខ្លួន ក៏ត្រូវកម្លាំងកងរាជអាវុធហត្ថឃាត់ខ្លួនបានពីរនាក់ និងម៉ូតូស្គូពី ស៊េរីឆ្នាំ ២០១៥ មួយគ្រឿង ចំណែកជនសង្ស័យម្នាក់ទៀតបានប្លោះរបងចូលដីឡូត៍ប្រជាពលរដ្ឋក្បែរនោះគេចខ្លួនបាត់ស្រមោលតែម្តង ។ ជនសង្ស័យដែលខ្លួនបានទី១.ឈ្មោះ លាង ភេទប្រុស អាយុ២៣ឆ្នាំ ,ទី២.ឈ្មោះ រដ្ឋា ភេទប្រុស អាយុ២០ឆ្នាំ ចំណែកជនសង្ស័យរត់គេចខ្លួនមានឈ្មោះ ណាក់ ភេទប្រុស ។
ក្រោយឃាត់ខ្លួនជនសង្ស័យទាំងពីរនាក់ត្រូវបានកម្លាំងកងរាជអាវុធហត្ថនាំខ្លួនទៅកាន់បញ្ជាការដ្ឋានកងរាជអាវុធហត្ថរាជធានីភ្នំពេញដើម្បីធ្វើការសួរនាំ ។
ចែករំលែកព័តមាននេះ