រាជធានីភ្នំពេញ ៖ បុរសស្រវឹងស្រាម្នាក់ជិះម៉ូតូទៅបុកបុរសជនជាតិចិនដើរចេញពីច្រៀងខារ៉ាអូខេ បណ្តាលឱ្យបុរសជនជាតិចិននោះរបួសរយៈស្បែកពោះ ហើយក៏ត្រូវបុរសជនជាតិចិនបីនាក់ទៀតមកធាក់បុរសជិះម៉ូតូនោះ ម្នាក់មួយជើងបង្ករឱ្យមានការឈ្លោះប្រកែកគ្នាពេញមុខខារ៉ាអូរខេនគរសំរិទ្ធ ។ ហេតុការណ៍នេះកើតឡើងកាលពីវេលាម៉ោង១២ អាធ្រាត្រ ថ្ងៃទី២៦ វិចិ្ឆកា ២០១៤ នៅចំណុចមុខខារ៉ាអូខេនគរសំរិទ្ធ ស្ថិតនៅសង្កាត់ទឹកល្អក់ពីរ ខណ្ឌទួលគោក ។
បុរសស្រវឹងបើកម៉ូតូទៅបុកជនជាតិចិនមានឈ្មោះ សឹុម សម្ផស្ស អាយុ៣១ឆ្នាំ ជាជាងសំណង់ ស្នាក់នៅក្នុងសង្កាត់ទួលស្វាយព្រៃ២ ខណ្ឌចំការមន ។
ប្រភពព័ត៌មានពីបុរសដែលជិះម៉ូតូទៅបុកបុរសជនជាតិនោះ បានឱ្យដឹងថា នៅមុនពេលកើតហេតុរូបគាត់បានជិះម៉ូតូវីវ៉ា ពណ៌ខ្មៅមួយគ្រឿង ពាក់ស្លាកលេខភ្នំពេញ1O-0546 ត្រឡប់មកពីផឹកស៊ីដោយធ្វើដំណើរត្រឡប់ទៅផ្ទះវិញវិញតែម្នាក់ឯងតាមផ្លូវលេខ២៦៥ ក្នុងទិសដៅ ពីត្បូងទៅជើងខណៈមកចំណុចកើតហេតុក៏បានជិះទៅបុកបុរសជនជាតិម្នាក់ដើរចេញពីខារ៉ាអូរខេនគរសំរិទ្ធ បណ្តាលឱ្យរយៈស្បែកពោះ តិចតួច ហើយពេលនោះក៏ត្រូវបុរសជនជាតិចិន៣នាក់ទៀតមកធាក់គាត់ម្នាក់មួយជើង ក៏បង្កឱ្យការឈ្លោះប្រកែកគ្នាផ្អើលពេញមុខខារ៉ាអូខេនគរសំរិទ្ធតែម្តង ។
បន្ទាប់មកគេឃើញសមត្ថកិច្ចមូលដ្ឋានចុះមកជួយធ្វើការសម្របសម្រួលបញ្ចប់រឿងនៅនឹងកន្លែងកើតហេតុ ដោយភាគីទាំងពីរធ្វើដំណើរត្រឡប់ទៅផ្ទះរៀងខ្លួន ។
ចែករំលែកព័តមាននេះ