ខេត្តបន្ទាយមានជ័យ ៖ ករណីគ្រោះថ្នាក់ចរាចរណ៍រវាងរថយន្តកាមរី បើកច្រាសទិសគ្នាបុកជាមួយម៉ូតូ ហុងដាវេវ បណ្តាលឲ្យមនុស្ស បណ្តាលឲ្យមនុស្សម្នាក់រងរបួសធ្ងន់ ។ ហេតុការណ៍នេះកើតឡើងនៅវេលាម៉ោង៦និង២៨នាទីល្ងាច ថ្ងៃទី២៤ ខែវិច្ឆិកា ឆ្នាំ២០១ នៅលើកំណាត់ផ្លូវជាតិលេខ៥ មុខសណ្ឋាគារប៉ោយប៉ែតផាស
ខេត្តបន្ទាយមានជ័យ ៖ ករណីគ្រោះថ្នាក់ចរាចរណ៍រវាងរថយន្តកាមរី បើកច្រាសទិសគ្នាបុកជាមួយម៉ូតូ ហុងដាវេវ បណ្តាលឲ្យមនុស្ស បណ្តាលឲ្យមនុស្សម្នាក់រងរបួសធ្ងន់ ។ ហេតុការណ៍នេះកើតឡើងនៅវេលាម៉ោង៦និង២៨នាទីល្ងាច ថ្ងៃទី២៤ ខែវិច្ឆិកា ឆ្នាំ២០១ នៅលើកំណាត់ផ្លូវជាតិលេខ៥ មុខសណ្ឋាគារប៉ោយប៉ែតផាស ស្ថិតនៅភូមិក្បាលស្ពាន២ សង្កាត់-ក្រុងប៉ោយប៉ែត ខេត្តបន្ទាយមានជ័យ ។
បើតាមប្រភពសាក្សីបានឃើញហេតុការណ៍បានប្រាប់ថា មុនកើតហេតុគេឃើញមានម៉ូតូហុងដាវេវ ស៊េរីឆ្នាំ២០០០ ពណ៌ខ្មៅ ពាក់ស្លាកលេខ សៀមរាប 1L-7880 បើកបរដោយបុរសវ័យចំណាស់ម្នាក់ មិនស្គាល់អត្តសញ្ញាណទេ ។ លុះមកដល់ចំណុចកើតហេតុ គេឃើញមានកង់បីមួយគ្រឿងបើកយឺត ភ្លាមនោះរថយន្តម៉ាកកាមរី ចង្កូតស្តាំ ស៊េរីឆ្នាំ១៩៩៥ ពណ៌ទឹកប្រាក់ បានបើកឡើងវ៉ា ទើបទៅបុកម៉ូតូបើកច្រាសទិសគ្នាតែម្តង និងបណ្តាលឲ្យអ្នក បើកបរម៉ូតូរងរបួសធ្ងន់តែម្តង ភ្លាមនោះក្រុមសាច់ញាតិជនរងគ្រោះបានយកទៅសម្រាកព្យាបាលនៅ មន្ទីរពេទ្យឯកជនមួយកន្លែងយីហោ វិសាលសុខ ។
សមត្ថកិច្ចនគរបាលចរាចរបានប្រាប់ថា រថយន្តបង្កបើកបរដោយឈ្មោះ ស៊ឹម សែន ភេទប្រុស អាយុ៣៣ឆ្នាំ មានមុខរបជាអ្នករត់តាក់ស៊ី មានលំនៅដ្ឋានក្នុងភូមិក្តុល ឃុំតាអាន ស្រុកក្រឡាញ់ ខេត្តសៀមរាប ។មិនរងរបួសអ្វីនោះទេ នៅក្នុងរថយន្តនោះមានអ្នករួមដំណើរ២នាក់ មិនរងរបួសមិនដឹងអត្តសញ្ញាណឡើយរថយន្តបង្កខូចខាតផ្នែកមុខខាងឆ្វេងយ៉ាងដំណំផងដែរ ។ចំណែកម៉ូតូរងគ្រោះបើកបរដោយឈ្មោះ ជឹម សុភាព ភេទប្រុស អាយុ៤៨ ស្នាក់នៅក្នុងបូរីសុខស្រេង ស្ថិតនៅភូមិបាលិលេយ្យ២ សង្កាត់-ក្រុងប៉ោយប៉ែត ខេត្តបន្ទាយមានជ័យ បណ្តាលឱ្យរងរបួសធ្ងន់ ម៉ូតូខូចខាតស្ទើរទាំងស្រុង ។
ចែករំលែកព័តមាននេះ