រាជធានីភ្នំពេញ ៖ បន្ទាប់ពីទទួលរងការរិះគន់ពីពលរដ្ឋក្នុងភូមិមួយចំនួនថាបានចាក់ថ្នាំឱ្យក្មេងស្រីអាយុ១ខួប៥ខែម្នាក់ស្លាប់រួចមក លោកគ្រូពេទ្យ រុំ សាត អាយុ២៩ឆ្នាំ មុខរបរជាគ្រូពេទ្យប្រចាំភូមិស្រោង ឃុំខ្វាវ ស្រុកជីក្រែង ខេត្តសៀមរាប បានសរសេលិខិតដើម្បីឱ្យគេហទំព័រកោះសន្តិភាពធ្វើការកែរតម្រូវឡើងវិញនៅការចុះផ្សាយពីមតិរិះគន់របស់ប្រជាពលរដ្ឋរស់នៅភូមិស្រោង ឃុំខ្វាវ ស្រុកជីក្រែង ខេត្តសៀមរាប ថាការរិះគន់របស់ប្រជាពលរដ្ឋចោទប្រកាន់រូបលោកថាបានចាក់ថ្នាំឱ្យក្មេងស្រីម្នាក់ស្លាប់នោះគឺជាការរិះគន់មិនពិតទេដោយលោកឡើកឡើងថាវាជារឿង ពេទ្យ និង ពេទ្យ ប្រកួតប្រជែងគ្នាតែប៉ុណ្ណោះ។
យោងតាមលិខិតរបស់គ្រូពេទ្យពេទ្យដែលទទួលរងការចោទប្រកាន់ថាបានចាក់ថ្នាំឱ្យក្មេងម្នាក់ស្លាប់បានសរសេឆ្លើយបំភ្លឺថា ដំបូងឡើយម្តាយក្មេងស្រីរងគ្រោះដែលមានឈ្មោះ ឈ្មោះថន សុភឿន អាយុ២៨ឆ្នាំ បានហៅរូបលោកទៅដល់ផ្ទះចាក់ថ្នាំឱ្យកូនស្រីរបស់គាត់ ហើយលោកក៏បានទៅដល់ផ្ទះរបស់ជនរងគ្រោះ ឃើញសភាពក្មេងស្រីរងគ្រោះក្តៅខ្លាំង ទើបម្តាយក្មេងស្រីរងគ្រោះអង្វរលោកពេក នៅម៉ោង ៦ និង ៣០នាទី លោកក៏សម្រចចិត្តប្រាប់ថា <<ខ្ញុំមិនហ៊ាន ចាក់ថ្នាំនិងដាក់សេរ៉ូម ឱ្យក្មេងស្រីនោះទេព្រោះវាក្តៅហួសកំណត់>> ពេលនោះម្តាយក្មេងស្រីរងគ្រោះអង្វរជាលើកទី២ លោក ក៏សម្រេចចិត្តចាក់ថ្នាំឱ្យមួយម្ជុលទៅនិង បានឱ្យប្រាក់ទៅម្តាយក្មេងស្រីរងគ្រោះចំនួន២មឺុនរៀល ដើម្បីឱ្យយកកូនទៅពេទ្យ វាមិនពិតដូចពាក្យចចាមរាមនោះទេ។
លោកបានសរសេបំភ្លឺទៀតថា លុយ២មឺុនរៀលនេះជាលុយពិតមែនដែលលោកបានជូនឱ្យទៅម្តាយក្មេងស្រីរងគ្រោះដើម្បីឱ្យគាត់យកកូនទៅមណ្ឌលសុខភាពខ្វាវ ព្រោះលោកមើលសភាពក្មេងស្រីរងគ្រោះធ្ងន់ធ្ងរ បានជាលោកបង្ខំ ឱ្យយកក្មេងស្រីរងគ្រោះទៅមន្ទីរពេទ្យខ្លួនឯង ព្រោះលោកជាគ្រូពេទ្យតាមភូមិគ្មានសម្ភារមើលទើបលោកបង្ខំឱ្យយកទៅមន្ទីរពេទ្យជាបន្ទាន់ព្រោះសភាពក្មេងស្រីរងគ្រោះធ្ងន់ធ្ងរណាស់ទៅហើយ ។ ពេលដែលលោកដើរចេញពីផ្ទះជនរងគ្រោះមិនបាន១០នាទីផង ស្រាប់តែម្តាយក្មេងស្រីរងគ្រោះស្រែកយំថាកូនស្រីរបស់គាត់បានស្លាប់ទៅហើយ ។
ចុងបញ្ចប់លោកបានលើកឡើងថារឿងរ៉ាវ ខាងលើនេះគឺជារឿងមិនពិតដូចដែលពលរដ្ឋមួយចំនួនរិះគន់នោះទេ វាជារឿងពេទ្យ និង ពេទ្យប្រកួតប្រជែងគ្នា ។
ចែករំលែកព័តមាននេះ