ខេត្តព្រះសីហនុ ៖ ដើម្បីបញ្ជៀសនិងកាត់បន្ថយអំពីករណីគ្រោះថ្នាក់ចរាចរណ៍ដែលតែងតែកើតឡើងជាញឹកញាប់នៅតាមបណ្ដោយ ផ្លូវជាតិលេខ៤នៅតាមចំណុចផ្លូវចង្អៀត ផ្លូវកោងបត់មួយចំនួនចេញពីខេត្តព្រះសីហនុ ឆ្ពោះទៅដល់ស្រុកព្រៃនប់ ក្រុមហ៊ុន AZ កាលពីព្រឹកថ្ងៃទី១៦ ខែវិច្ឆិកា ឆ្នាំ២០១៤ កំពុងតែដំណើរការអនុវត្តគម្រោងស្ថាបនាពង្រីកផ្លូវយ៉ាងមមារញឹកបន្ទាប់ពីរដូវវស្សាបានកន្លងផុតទៅ។ហើយការពង្រីកនេះត្រូវបានធ្វើឡើងនៅតាមចំណុចដូចបានរៀបរាប់ខាងលើ ហើយបានចាប់ផ្ដើមដំណើរការបើកការដ្ឋានពង្រីកផ្លូវនៅក្នុងចំណុចភូមិសាស្រ្ត ឃុំស្មាច់ដែង ក្នុងស្រុកព្រៃនប់ ត្រង់ចំណុចគីឡូម៉ែតលេខ២១១ ដោយតភ្ជាប់ពីផ្សារ ស្មាច់ដែងមកដល់ចំណោត ឃុំបិតត្រាំង ស្រុកព្រៃនប់ ខេត្តព្រះសីហនុ ។
បើតាមការឱ្យដឹងពីលោក យ៉ែម សារិន ប្រធានការដ្ឋានស្ថាបនាផ្លូវជាតិលេខ៤ នៃក្រុមហ៊ុន AZ បានមានប្រសាសន៍ បញ្ជាក់ឱ្យដឹងថាក្រុមការងាររបស់លោកគឺជាអ្នកអនុវត្តគម្រោងពង្រីកផ្លូវនៅលើកំណាត់ផ្លូវខ្លីៗ តាមតំបន់ភូមិសាស្រ្ត ដែលមានលក្ខណះតូចចង្អៀត និងមានចរាចរណ៍មមារញឹកនៅលើកំណាត់ផ្លូវកោង និង កំណាត់ផ្លូវដែលអាចបង្ករឱ្យកើតមានករណីគ្រោះថ្នាក់ចរាចរណ៍ ។ លោកបានបន្ថែមឱ្យដឹងទៀតថាគម្រោងនេះយើងត្រូវការពង្រីកបន្ថែមប្រមាណ ២,៥ ម៉ែត្រ និងមានប្រវែងប្រមាណជា ២គីឡូម៉ែត្រ ដោយប្រើប្រាស់រយះពេល២ទៅ៣ សប្ដារហ៍និងរួចរាល់ហើយ ។ លោកបានបន្តទៀតថាហើយមានក្រុមការងាររបស់ក្រុមហ៊ុន AZ មួយក្រុមទៀតបានបើកការដ្ឋានពង្រីកផ្លូវនៅចំណុចគីឡូ ម៉ែត្រលេខ២១៥ ត្រង់ចំណុចចំណោតអូរត្រាវដែលជាចំណុចក្ដៅដែលតែងតែកើតមានករណីគ្រោះថ្នាក់ចរាចរណ៍ជាញឹកញាប់ដែលបានកើតឡើងជាយថាហេតុនាពេលកន្លងមក ។
លោក ជួន វ៉ាន់ឌន នាយកកិច្ចការធុរះកិច្ចនៃក្រុមហ៊ុនខាងលើបានមានប្រសាសន៍បញ្ជាក់តាមទូរស័ព្ទមកភ្នាក់ងារ អ្នកយកព័ត៌មានយើងនាពេលកន្លងមកថា ក្រុមហ៊ុនខាងលើមានគម្រោងការងារសំខាន់ៗជាច្រើនទៀតដែលក្រុមហ៊ុន ត្រូវតំណើរការបន្តដូចជា ការងារអ៊ុតបេតុងកៅស៊ូ នៅតាមអមសងសាងផ្លូវឱ្យបាន៤ជួរ នៅតំបន់ភូមិសាស្រ្តចេញ ពីខេត្តព្រះសីហនុ ឆ្ពោះទៅខេត្តកំពង់ស្ពឺ ព្រមទាំងកិច្ចការសាងសង់ជួសជុលស្ពាន.លូរគ្រឹះផ្លូវថ្នល់ និងការងារថែទាំជាប្រចាំលើតួផ្លូវការងារគូសគំនូសផ្លូវនិងបំពាក់បរិក្ខារសុវត្ថិភាពតាមដងផ្លូវជាដើម ។ លោក ឃី ហេង ជាប្រជាពលរដ្ឋរស់ នៅក្នុងតំបន់ខាងលើមានការស្វាគមន៍ចំពោះការបើកការដ្ឋានពង្រីកផ្លូវខាងលើនេះគឺបានបង្ករលក្ខណៈងាយស្រួលក្នុងការ ធ្វើដំណើរទៅកាន់ទីក្រុង ប៉ុន្តែគាត់នៅតែមានក្ដីព្រួយបារម្ភនៅពេលទទួលបានផ្លូវធំល្អ អ្នកបញ្ជារទោចក្រយានយន្ត យានយន្ត ដែលមិនគោរពច្បាប់ចរាចរអ្នកខ្លះបើកបរមានផ្ទុកសារធាតុញៀនជាតិស្រវឹង។
ជាចុងក្រោយគាត់បានធ្វើការសំណូមពរសូមឱ្យអ្នកបញ្ជារទោចក្រយានយន្ត យានយន្តទាំងអស់ដូចបានរៀបរាប់ ខាងលើត្រូវសហការចូលរួមក្នុងការគោរពច្បាប់ចរាចរណ៍ទាំងអស់គ្នា ដូចសុភាសិតខ្មែរបានលើកឡើងថា (ទាំងអស់គ្នាដើម្បីចរាចរណ៍ ចរាចរណ៍ដើម្បីទាំងអស់គ្នា),(បើបើកបរសូមកុំពិសារគ្រឿងស្រវឹង ស្រវឹងសូមកុំបើកបរ) ដើម្បីជៀសផុតពីករណីគ្រោះថ្នាក់ចរាចរណ៍។ ដោយអនុវត្តទៅតាមអនុសាសន៍ដ៍ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាដែលបានលើកឡើងថា (ថ្ងៃនេះ នឹងថ្ងៃស្អែកសូមកុំឱ្យមានគ្រោះថ្នាក់ចរាចរណ៍)។
ចែករំលែកព័តមាននេះ