ខេត្តកំពត ៖ យុវជនពីរនាក់ជាមិត្តភក្តិនិងគ្នាបានរងរបួសធ្ងន់ធ្ងរដាច់ដៃដាច់ជើងបែកក្បាល បន្ទាប់ពីរយុវជនទាំងពីរស្រវឹងស្រានាំគ្នាជិះម៉ូតូទៅឈប់ដេកនៅលើផ្លូវរទេះភ្លើងត្រូវរថយន្តភ្លើងបើកកិនតែម្តង។ ដោយម្នាក់ត្រូវបានបញ្ជូនទៅសង្រ្គោះនៅមន្ទីរពេទ្យខេត្ត និងម្នាក់ទៀតត្រូវបានបញ្ជូនបន្តទៅសង្រ្គោះនៅមន្ទីរពេទ្យក្នុង
ខេត្តកំពត ៖ យុវជនពីរនាក់ជាមិត្តភក្តិនិងគ្នាបានរងរបួសធ្ងន់ធ្ងរដាច់ដៃដាច់ជើងបែកក្បាល បន្ទាប់ពីរយុវជនទាំងពីរស្រវឹងស្រានាំគ្នាជិះម៉ូតូទៅឈប់ដេកនៅលើផ្លូវរទេះភ្លើងត្រូវរថយន្តភ្លើងបើកកិនតែម្តង។ ដោយម្នាក់ត្រូវបានបញ្ជូនទៅសង្រ្គោះនៅមន្ទីរពេទ្យខេត្ត និងម្នាក់ទៀតត្រូវបានបញ្ជូនបន្តទៅសង្រ្គោះនៅមន្ទីរពេទ្យក្នុងរាជធានីភ្នំពេញ។ ហេតុការណ៍នេះកើតឡើងកាលពីវេលាម៉ោង ១១ និង៤៥នាទីយប់ ថ្ងៃទី២៣ វិចិ្ឆកា ២០១៤ នៅចំណុចផ្លូវរថយន្តភ្លើង ស្ថិតក្នុងភូមិកណ្តាល ឃុំកោះតូច ស្រុកទឹកឈូរ ខេត្តកំពត ។
បើតាមប្រភព័ត៌មានពីលោកជាវ ភីរ៉ា អធិការរងស្រុកបានឱ្យដឹងថាយុវជនរងគ្រោះទី១.ឈ្មោះ ជីវ សៅ អាយុ២៣ឆ្នាំ បានរងរបួសផុងលលាដ៍ក្បាល និងដាច់ត្រឹម.កដៃខាងស្តាំ ត្រូវបានក្រុមគ្រួសារបញ្ជូនទៅសង្រ្គោះនៅមន្ទីរពេទ្យក្នុងរាជធានីភ្នំពេញ ចំណែកយុវជនរងគ្រោះទី២.ឈ្មោះ ស៊ុត សុធារ័ត្ន អាយុ២០ឆ្នាំ រងរបួសដាច់ជើងខាងឆ្វេង និងរលាត់ស្បែកក្បាលត្រូវបានបញ្ជូនទៅសង្រ្គោះនៅមន្ទីរពេទ្យខេត្ត ។ យុវជនរងគ្រោះទាំងពីរនាក់ជាមិត្តភក្តិនិងគ្នា ហើយរស់នៅក្នុងភូមិ-ឃុំ កើតហេតុជាមួយគ្នា ។
ប្រភពព័ត៌មានបន្តបន្តឱ្យដឹងថា នៅមុនពេលកើតហេតុ យុវជនទាំងពីរបានផឹកស្រាស្រវឹងតែមិនទៅផ្ទះទេបែរ ជាជិះម៉ូតូសង់កូរ៉េមួយគ្រឿងឌុបគ្នា ទៅដេកលើផ្លូវរទេះភ្លើង។ ហើយក្រុមគ្រួសារបានដើររកដែរតែរកមិនឃើញ លុះក្រោយពេលកើតហេតុទើបអ្នកភូមិដែលរស់នៅក្បែរកន្លែងកើតហេតុ បានឮសម្លេងរបស់ជនរងគ្រោះក៏បានដើរទៅមើលទើបដឹងថា ជនរងគ្រោះទាំងពីរត្រូវរទេះភ្លើងបើកកិនរងរបួសធ្ងន់ទៅហើយ ។ បន្ទាប់មកអ្នកភូមិបានរាយការណ៍ទៅនគរបាល និង ក្រុមគ្រួសារឱ្យមកទទួលយកជនរងគ្រោះទៅសង្រ្គោះនៅមន្ទីរពេទ្យខេត្តភ្លាមៗដែរ តែដោយសារតែជនរងគ្រោះ ឈ្មោះ ជីវ សៅ រងរបួសធ្ងន់ខាងមន្ទីរពេទ្យខេត្តក៏សម្រេចបញ្ជូនបន្តទៅសង្រ្គោះនៅមន្ទីរពេទ្យក្នុងរាជធានីភ្នំពេញ ។
ចែករំលែកព័តមាននេះ