រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី២៣ ខែវិច្ឆិកា ឆ្នាំ២០១៤ បានសម្រេចចេញដីកាឃុំខ្លួនជនសង្ស័យ៣នាក់ ពាក់ព័ន្ធ ជាកំពូលចោរជំនាញខាងលួចរថយន្តទំនើប ដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទលួចមានស្ថានទម្ងន់ទោស ។
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី២៣ ខែវិច្ឆិកា ឆ្នាំ២០១៤ បានសម្រេចចេញដីកាឃុំខ្លួនជនសង្ស័យ៣នាក់ ពាក់ព័ន្ធ ជាកំពូលចោរជំនាញខាងលួចរថយន្តទំនើប ដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទលួចមានស្ថានទម្ងន់ទោស ។
ជនសង្ស័យ៣នាក់ ១.ឈ្មោះលឹម ពិសិដ្ឋ ហៅហេង ប៊ុនម៉េង ហៅសុខ វណ្ណៈ ហៅលី ចំរើន ភេទប្រុស អាយុ២៨ឆ្នាំ ២.ឈ្មោះផន កេង ហៅត្រេន ភេទប្រុស អាយ៣៥ឆ្នាំ នឹង៣. ឈ្មោះកែវ ស៊ីថៃ ភេទប្រុស អាយុ២៥ឆ្នាំ ពួកគេពុំមានទីលំនៅពិតប្រាកដ ។ ដើមចមបណ្តាលឲ្យតុលាការឃុំខ្លួនជនសង្ស័យ៣នាក់ ជាកំពូលចោរលួចរថយន្តទំនើបខាងលើនេះ ដោយយោងលើបទល្មើសបានកើតឡើងជាច្រើនករណីដូចជាលួច ឆក់ ប្លន់ ប្រដាប់អាវុធ នៅក្នុងរាជធានីភ្នំពេញ លោកនាយឧត្តមសេនីយ៍សៅ សុខា អគ្គមេបញ្ជាការរងកងយោធពលខេមរៈភូមិន្ទ នឹងជាមេបញ្ជាការកងរាជអាវុធហត្ថលើផ្ទៃប្រទេស បានដាក់បទបញ្ជារទៅលោកឧត្តមសេនីយ៍ទោ រត្ន័ ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស នឹងជាមេបញ្ជាការកងរាជអាវុធហត្ថរាជធានីភ្នំពេញ ឲ្យប្រើប្រាស់កំលាំងជំនាញបើកការស៊ើបអង្កេត ធ្វើការស្រាវជ្រាវ នឹងបង្ក្រាបលើបទល្មើសទាំងនោះឲ្យខានតែបាន ។
ក្រោមបទបញ្ជាដ៏មានប្រសិទ្ធិភាពនោះហើយ ប៉ុន្មានថ្ងៃមុននេះការិយាល័យស្រាវជ្រាវបទល្មើសព្រហ្មទណ្ឌ នៃទីបញ្ជាការកងរាជអាវុធហត្ថរាជធានីភ្នំពេញ បានឃាត់ខ្លួនជនសង្យ័យ កំពូលចោរលួចរថយន្ត៣នាក់ ដូចបានរៀបរាប់ឈ្មោះខាងលើ ដោយមានការសហការជាមួយកំលាំងអាវុធហត្ថខេត្តកំពង់ស្ពឺ កំពង់ធំ សៀមរាប នឹងបាត់ដំបង ដកហូតបានរថយន្តជនរងគ្រោះមកវិញចំនួន៣គ្រឿង ។ តែបើតាមចម្លើយជនជាប់សង្ស័យថា កន្លងមកធ្លាប់បានធ្វើសកម្មភាពលួចរថយន្តសរុបចំនួន៧គ្រឿង ជាប្រភេទរថយន្តទំនើបៗទៀតផង ។
លោកឧត្តមសេនីយ៍ទោ រត្ន័ ស្រ៊ាង មេបញ្ជាការកងរាជអាវុធហត្ថរាជធានីភ្នំពេញបានថ្លែងឲ្យដឹងថា កំលាំងអាវុធហត្ថរបស់លោកបង្ក្រាបបទល្មើសធំៗជាច្រើនជាងនេះទៀត ដែលអង្គភាពបាននឹងកំពុងចងក្រងឯកសារ សំរាប់បូកសរុបប្រចាំឆ្នាំ ៕
ចែករំលែកព័តមាននេះ