រាជធានីភ្នំពេញ ៖ ធនាគារ ហ្វីលីព ភីអិលស៊ី ជាធនាគារដំបូងនៅក្នុងប្រទេសកម្ពុជា កាលពីថ្ងៃទី១៨ វិច្ឆិកា កន្លងទៅនេះបានផ្តល់ជូនប្រជាជនកម្ពុជានូវ គណនីសន្សំ បន្ថែមដោយការធានារ៉ាបរងអាយុជីវិតសម្រាប់អតិថិជនទាំអស់ដែលមានឈ្មោះថា គណនីសន្សំសម្រាប់កុមារ តម្រូវឱ្យការដាក់ប្រាក់បញ្ញើដំបូងទាបត្រឹមតែ ១០ដុល្លារអាមេរិកប៉ុណ្ណោះ សម្រាប់ប្រជាជនខ្មែរជាទូទៅ ។
គណនីសន្សំសម្រាប់កុមារនឹងជួយឱ្យឪពុកម្តាយទាំងឡាយអាចរៀបចំផែនការដើម្បីអនាគតកូនៗរបស់ពួកគាត់ ក៏ដូចជាបណ្តុះនូវទម្លាប់ល្អក្នុងការសន្សំប្រាក់ដល់ពួកគេ។យើងជឿជាក់លើការបង្ហាត់កូនៗពីជំនាញគ្រប់គ្រងប្រាក់បានល្អតាមរយៈការផ្សារភ្ជាប់នូវទម្លាប់សន្សំប្រាក់តាំងពីក្មេង ហើយការដាក់ប្រាក់សន្សំក្នុង គណនីសន្សំសម្រាប់កុមារ ជាមួយនិងធនាគារ ហ្វីលីព ភីអិលស៊ី នឹងទទួលបានការប្រាក់កាន់តែច្រើនបើ ធៀបនឹងធនាគារដទៃទៀត។
លោក ហាន់ ប៉េងគាន់ នាយកគ្រប់គ្រងទូទៅនៃ ធនាគារ ហ្វីលីព ភីអិលស៊ី មានប្រសាសន៍ថា ការចាប់ផ្តើមដាក់ប្រាក់សន្សំសម្រាប់កុមារពីពេលនេះទៅ កុមារទាំងអស់នឹងទទួលបានទឹកប្រាក់សន្សំកាន់តែច្រើនក្នុងរយៈពេលយូរអង្វែង។ជាមួយការប្រាក់ចាប់ពី ១.៥% និងបន្តកើនឡើងខ្ពស់ដល់ទៅ ៣% ក្នុងមួយឆ្នាំ គណនីសន្សំសម្រាប់កុមារ របស់ធនាគារ ហ្វីលីព ភីអិលស៊ី ជួយឱ្យមាតាបិតារៀបគម្រោងដើម្បីផ្តល់ហិរញ្ញវត្ថុដល់ការអប់រំរបស់កូនៗពួកគាត់។ លើសពីនេះទៀត ការធានារ៉ាប់រងអាយុជីវិតចំពោះអតិថិជន (មាតាបិតា) នឹងការពារអនាគតរបស់កូនៗ ព្រោះថាកូនៗរបស់ពួកគាត់នឹងទទួលបានទឹកប្រាក់សន្សំជាក់ស្តែងក្នុងគណនី រួមនឹងតម្លៃទឹកប្រាក់ធានារ៉ាប់រងសរុប ប្រសិនបើមានហេតុការណ៍ជាយថាហេតុណាមួយកើតឡើង។សម្រាប់ព័ត៌មានបន្ថែម លោកអ្នករកបានតាមរយៈគេហទំព័រ www.phillipbank.com.kh។
ចែករំលែកព័តមាននេះ