រាជធានីភ្នំពេញ ៖ ស្ត្រីចំណាស់មានសតិមិនប្រក្រតីម្នាក់ បានប៉ុនប៉ងធ្វើអត្តឃាតដោយឡើងទៅលើផ្ទះជាន់ទី៣លោតចុះមក ប៉ុន្តែសំណាងល្អមិនបណ្តាលឱ្យរងរបួស ឬស្លាប់ទេ ព្រោះលោតចុះមកធ្លាក់មិនដល់ដី ទើរត្រឹមលើដំបូលស័ង្កសីសំយ៉ាបផ្ទះ បង្កឱ្យភ្ញាក់ផ្អើលកាលពីវេលាម៉ោង១២ និង២៥នាទីយប់រំលងអធ្រាត្រឈានចូលថ្ងៃទី២៤ វិច្ឆកា ២០១៤ ស្ថិតនៅលើផ្ទះល្វែងមួយកន្លែង តាមបណ្ដោយផ្លូវបេតុង ទល់មុខភូមិគ្រឹះសុភមង្គល ក្នុងភូមិព្រៃព្រីង សង្កាត់ចោមចៅ ខណ្ឌពោធិ៍សែនជ័យ ។
ប្រភពបានឱ្យដឹងថា ស្ត្រីចំណាស់ម្នាក់នោះ មិនត្រូវស្គាល់អត្តសញ្ញាណនោះទេ ហើយនៅមុនពេលកើតហេតុ ស្ត្រីរូបនោះបាន ឡើងទៅលើផ្ទះខាងលើ ហើយសារយកខោអាវដែលម្ចាស់ផ្ទះហាលនៅរានហាលខាងមុខ ប៉ុន្តែត្រូវម្ចាស់ឃើញទាន់ស្រែកប្រាប់ថា កុំសារ ទើបស្ត្រីរូបនោះដើរចេញ លុះមួយសន្ទុះក្រោយមក ក៏ឡើងទៅកាន់ទីនោះម្ដងទៀត រួចបានលោតសម្លាប់ខ្លួន ។
ប្រភពបន្តថា បន្ទាប់ពីកើតហេតុ ប្រជាពលរដ្ឋ និងកម្លាំងប៉ូលិសចុះទៅអន្តរាគមន៍ដោយបាននាំគ្នាស្រែកអង្វរឱ្យស្ត្រីចំណាស់ម្នាក់នោះចុះ ប៉ុន្តែគាត់មិនព្រមចុះនោះឡើយ ។ គាត់បានប៉ុនប៉ងលោតចុះពីលើដំបូលសំយ៉ាបផ្ទះនោះទៀត ដោយសារតែខ្លាចគាត់លោតចុះ ទើបប៉ូលិសលួងលោមឱ្យគាត់ភ្លេចខ្លួន ហើយមានប្រជាពលរដ្ឋម្នាក់បានឡើងទៅចាប់ស្ត្រីរូបនោះចេញពីកន្លែងកើត
ហេតុ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ