The Hunger Games: Mockingjay Part 1 ដែលជាភាពយន្តបន្តវគ្គពី The Hunger Games និង Catching Fire ឥលូវនេះបានចាក់បញ្ចាំងហើយចាប់ពីថ្ងៃនេះតទៅនៅតាមរោងភាពយន្តអន្តរជាតិលេជេនទាំងបីសាខាដូចជា លេជេនស៊ីធីម៉ល លេជេនទួលគោក និងលេជេនមានជ័យ។
The Hunger Games: Mockingjay Part 1 ដែលជាភាពយន្តបន្តវគ្គពី The Hunger Games និង Catching Fire ឥលូវនេះបានចាក់បញ្ចាំងហើយចាប់ពីថ្ងៃនេះតទៅនៅតាមរោងភាពយន្តអន្តរជាតិលេជេនទាំងបីសាខាដូចជា លេជេនស៊ីធីម៉ល លេជេនទួលគោក និងលេជេនមានជ័យ។
សាច់រឿងបន្តពីវគ្គទីពីរ Catching Fire ក្រោយពេលដែល Katniss ដែលជាតួឯកស្រីសម្ដែងដោយតារាកំពូលនៅហូលីវូដ Jennifer Lawrencce បានកម្ទេចទីលានប្រកួតល្បែងទុរភិក្សលើកទី75 ដែលត្រូវបានអ្នកគ្រប់គ្រងនៅ The Capitol ចោទថា នាងគឺចូលដៃជាមួយក្រុមបះបោរ។ បន្ទាប់ពីត្រូវបានជួយសង្គ្រោះដោយបក្សពួកអ្នកបះបោរនៅរដ្ឋទី13 មក Katniss ត្រូវពង្រឹងខ្លួនឱ្យក្លាយទៅជាអ្នកតំណាងនៃការបះបោររបស់ប្រជាជនទាំងអស់ ដើម្បីផ្តួលរលំ The Capitol ដែលនៅពេលនេះជាព្យាយាមធ្វើអ្វីគ្រប់យ៉ាងទាំងការពារខ្លួននាង ទាំងការពារគ្រួសាររបស់នាង និងជាពិសេសគឺការពារមនុស្សដែលនាងស្រលាញ់ជាងគេ គឺ Peeta ដែលត្រូវបាន The Capitol ចាប់បាន។
The Hunger Games: Mockingjay Part 1 នេះគឺបង្កើតឡើងផ្អែកទៅលើសៀវភៅរឿងដែលមានចំណងជើងដូចគ្នាប៉ុន្តែភាពយន្តត្រូវបានបំបែកជាពីរវគ្គចុងក្រោយ ដែលវគ្គទីពីរជាវគ្គបញ្ចប់រឿងទាំងមូលនេះនិងបញ្ចាំងនៅឆ្នាំក្រោយ។ សម្រាប់ Mockingjay Part 1 នេះ មានលក្ខណៈខុសគ្នាបន្តិចបន្តួចបើប្រៀបធៀបទៅនឹងវគ្គមុនៗ ដោយសារតែលើកនេះ មិនបានបង្ហាញពីភាពចម្លែកៗគ្នារបស់ក្រុមអ្នករស់នៅក្នុង The Capitol ទេតែបរិយាយប្រាប់ពីភាពខ្ទេចខ្ទី ក្រោយពីការព្យាយាមទាមទារសេរីភាព និងការកាន់កាប់អំណាចដែលធ្វើឱ្យប្រជាជននៅក្នុងរដ្ឋទាំងនោះរងភាពឈឺចាប់ ទាំងការមានរបួស និងស្លាប់។ បរិយាកាសនៃសាច់រឿងប្រមូលផ្តុំដោយអារម្មណ៍នៃភាពឈឺចាប់ កំសត់ និងសកម្មភាពបាញ់ប្រហារគួរឱ្យជក់ចិត្ត។
ចូលរួមសម្ដែងដោយតារាល្បីជួរមុខនៅហូលីវូដដូចជា Jennifer Lawrence, Josh Hutcherson, Liam Hemsworth, Elizabeth Banks ក៏ដូចជា Julianne Moore ដែលត្រូវបានគេរំពឹងទុកថា និងរកប្រាក់ចំណូលបានច្រើនជាងវគ្គមុនទាំងពីរទៅទៀត ដោយសារតែភាពល្បីល្បាយរបស់ភាពយន្តនេះ គឺពាសពេញពិភពលោក ដោយមានមិត្តអ្នកគាំទ្រយ៉ាងច្រើនពីគ្រប់ប្រទេសនិងអាយុ។
សូមកក់សំបុត្រចូលទស្សនាចាប់ពីថ្ងៃនេះតទៅនៅតាមរោងភាពយន្តខ្នាតអន្តរជាតិ។ សូមតាមដានព័ត៌មានរបស់ភាពយន្តថ្មីៗនៅទំព័ររបស់ចៃកុន www.facebook.com/jaikon.cambodia និង រោងភាពយន្តលេជេន www.facebook.com/LegendCinema ។
សូមទស្សនាវីដេអូខ្លីនៃ The Hunger Games: Mockingjay Part 1 នៅទីនេះ
ចែករំលែកព័តមាននេះ