ទីភ្នាក់ងារព័ត៌មាន BBC ផ្សាយឱ្យដឹងថា ប្រទេសអាល្លឺម៉ង់គ្រោងនឹងដាក់បញ្ហានៃការលួចប្រើសារធាតុហាមឃាត់ក្នុងវិស័យកីឡាឱ្យទៅជាបទឧក្រិដ្ឋដែលបុគ្គលអ្នកប្រព្រឹត្តអាចជាប់គុកពី១-៣ឆ្នាំ ក្នុងករណីរកឃើញទោសកំហុសពិតប្រាកដ ។
ទីភ្នាក់ងារព័ត៌មាន BBC ផ្សាយឱ្យដឹងថា ប្រទេសអាល្លឺម៉ង់គ្រោងនឹងដាក់បញ្ហានៃការលួចប្រើសារធាតុហាមឃាត់ក្នុងវិស័យកីឡាឱ្យទៅជាបទឧក្រិដ្ឋដែលបុគ្គលអ្នកប្រព្រឹត្តអាចជាប់គុកពី១-៣ឆ្នាំ ក្នុងករណីរកឃើញទោសកំហុសពិតប្រាកដ ។
ពង្រាងច្បាប់ថ្មីដែលទទួលបានការគាំទ្រពីបណ្តារដ្ឋមន្ត្រីច្រើនក្រសួងគ្រោងនឹងដាក់ឱ្យសភាអនុម័តជាផ្លូវការណ៍នៅមុនរដូវស្លឹកឈើលាស់ នាឆ្នាំ២០១៥ ខាងមុខ ។
អាល្លឺម៉ង់មានអត្តពលិកអាជីពចំនួនប្រមាណ៧ពាន់នាក់ ។ ពួកគេទាំងនោះស្ថិតក្រោមការគ្រប់គ្រងស្ថាប័នដែលចំណុះក្រោមកម្មវិធីធ្វើតេស្តជាតិ ។ ដូចនេះ នៅពេលច្បាប់ថ្មីត្រូវបានអនុម័ត ពួកគេទាំងនោះនឹងរងផលប៉ះពាល់ ។
ដោយឡែក ចំពោះបណ្តាអត្តពលិកបរទេសដែលមកប្រកួតនៅអាល្លឺម៉ង់ ហើយត្រូវបានរកឃើញថា ប្រើសារធាតុហាមឃាត់ក៏នឹងត្រូវទទួលពិន័យជាប់ពន្ធនាគារដូចជា អត្តពលិកក្នុងស្រុកដែរ ។
ចំណែកនៅប្រទេសអង់គ្លេសវិញ ថ្មីនេះៗគេឃើញមានរលកចលនានៃការអំពាវនាវឱ្យមានការដាក់បម្រាមមួយជីវិតលើអត្តពលិកណាដែលបានប្រើសារធាតុហាមឃាត់ ។
ជើងឯកអូឡាំពិក និងជាជើងឯកពិភពលោកកីឡាចោលដុំដែក Valerie Adams បាននិយាយថា បណ្តាអត្តពលិកដែលរកឃើញថាបានប្រើប្រាស់សារធាតុហាមឃាត់គួរតែជាប់បម្រាមប្រកួតមួយជីវិត បើទុកណាការប្រើនោះទើបជាលើកទី១ ក៏ដោយ ។
អត្តពលិកវ័យ៣០ឆ្នាំរូបនេះបានបន្តថា ៖ «លួចបន្លំម្តង គឺស្មើនឹងការមានឈ្មោះលួចបន្លំ ដូច្នេះជនប្រភេទនេះគួរត្រូវហាមឃាត់មួយជីវិត» ។
សូមបញ្ជាក់ថា ក្រោមច្បាប់ភ្នាក់ងារ WADA បច្ចុប្បន្នបទល្មើសធ្ងន់ធ្ងរលើកដំបូងអាចជាប់បម្រាម២ឆ្នាំ ប៉ុន្តែទណ្ឌកម្មនឹងបង្កើនដល់៤ឆ្នាំនៅឆ្នាំ២០១៥ ខាងមុខ ៕
ចែករំលែកព័តមាននេះ