ខេត្តសៀមរាប ៖ កម្លាំងនគរបាលព្រហ្មទណ្ឌកំរិតស្រាលនៃខេត្តសៀមរាប បានធ្វើ ចាប់ខ្លួនជនសង្ស័យម្នាក់ដែលយកស្បែកខ្លាមកពាក់ ព្រមទាំងមានកាំភ្លើងម៉ាក K54 មួយដើម ដើរប្លន់ម៉ូតូតាមជនបទដាច់ស្រយោល ខណៈពេលដែលជនសង្ស័យនោះបានលួចកាច់សោ.កយកម៉ូតូ១គ្រឿងបានសម្រេច រួចរត់គេចខ្លួនទៅសម្ងំផ្ទះខាងប្រពន្ធនៅតាមជនបទ។
ហេតុការណ៍ចាប់ខ្លួនេជនសង្ស័យនេះ ធ្វើឡើងនៅថ្ងៃទី២១ វិច្ឆិកា ២០១៤ នៅផ្ទះម្តាយក្មេក ក្នុងភូមិវ៉ារិន ឃុំវ៉ារិន ស្រុកវ៉ារិន ខេត្តសៀមរាប រួចយកមកសួរនាំបន្ត។
បច្ចុប្បន្នកម្លាំងនគរបាលជំនាញរបស់ការិយាល័យព្រហ្មទណ្ឌកំរិតស្រាលបានរៀបចំកសាងសំណុំរឿងបញ្ជូនជនសង្ស័យ និងវត្ថុតាងទៅកាន់តុលាការនៅរសៀលថ្ងៃទី២២ វិច្ឆិកា នេះ ដើម្បីចាត់ការតាមផ្លូវច្បាប់។
សូមរំលឹកថា មកដល់ថ្ងៃទី២២ វិច្ឆិកា ២០១៤ នេះ កម្លាំងនគរបាលការិយាល័យព្រហ្មទណ្ឌកំរិតស្រាលនៃស្នងការនគរបាលខេត្តសៀមរាបបានអំពាវនាវដល់បងប្អូនប្រជាពលរដ្ឋនៅក្នុងខេត្តសៀមរាប ដែលបានបាត់ម៉ូតូម៉ាកសេ១២៥ ពណ៌ខ្មៅ ឆ្នាំ២០០៨ ពាក់ស្លាកលេខសៀមរាប 1C.5586 លេខតួ លេខម៉ាស៊ីន 8288739 សូមមកធ្វើការទំនាក់ទំនងនៅការិយាល័យនគរបាលព្រហ្មទណ្ឌកំរិតស្រាលនៃស្នងការខេត្ត ៕
ចែករំលែកព័តមាននេះ