ខេត្តកំពង់ស្ពឺ ៖ មុខសញ្ញាចោរលួចមាន់៣នាក់ត្រូវសមត្ថកិច្ចស្រុកថ្ពងចាប់ខ្លួនប្រគល់ឱ្យសមត្ថកិច្ចស្រុកឧដុង្គកាលពីវេលាម៉ោង១ និង១៥នាទីរំលងអធ្រាត្រឈានចូល ថ្ងៃទី២៣ វិច្ឆិកា ២០១៤ បន្ទាប់ពីពួកគេធ្វើសកម្មភាពលួចមាន់ពីកសិដ្ឋានមួយកន្លែងស្ថិតក្នុងភូមិព្រៃក្តួច ឃុំភ្នំតូច ។
ជនសង្ស័យដែលឃាត់ខ្លួន ១-ឈ្មោះស៊ីម ពិសិដ្ឋ ភេទប្រុស អាយុ២១ឆ្នាំ ,២-ឈ្មោះសឿន សិទ្ធ ភេទប្រុស អាយុ២១ឆ្នាំ និង៣-ឈ្មោះលាង ណាង ភេទប្រុស អាយុ២៣ឆ្នាំ ។ ជនទាំង៣នាក់មានទីលំនៅភូមិអង្គតាឯក ឃុំភ្នំតូច ស្រុកឧដុង្គ ខេត្តកំពង់ស្ពឺ ។
លោកវរសេនីយ៍ត្រី ខឹម សាម៉ុន អធិការនគរបាលស្រុកឧដុង្គបានឱ្យដឹងថា ជនសង្ស័យទាំង៣នាក់នេះបានធ្វើសកម្មភាពលួចមាន់របស់ឈ្មោះឡុង សារិន ភេទប្រុស អាយុ៤៧ឆ្នាំ ដែលជាម្ចាស់រោងមាន់នៅភូមិព្រៃក្តួច ឃុំភ្នំតូច ។
នៅចំពោះមុខសមត្ថកិច្ចជនសង្ស័យបានសារភាពថា ពួកគេពិតជាបានធ្វើសកម្មភាពលួចមាន់ពីកសិដ្ឋានរបស់ឈ្មោះឡុង សារិន មែន គឺលួចបាន២០មាន់ ហើយយកទៅអារ.កបោចរោមគោលបំណងយកទៅលក់នៅផ្សារ លុះពេលធ្វើដំណើរដល់ចំណុចខាងលើក៏ត្រូវសមត្ថកិច្ចឃាត់ខ្លួនបានតែម្តង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ