ប៉េកាំង ៖ បច្ចុប្បន្នប្រទេសចិនកំពុងតែធ្វើឱ្យសកម្មភាពនូវរីកចម្រើនជឿនលឿននៃការអភិវឌ្ឍលើវិស័យអីុនធើរណេត និងការពង្រីកប្រាក់ចំណេញរបស់ខ្លួនដល់ប្រជាជនចិនចំនួន១,៣ពាន់លានដុល្លារ ។
ប៉េកាំង ៖ បច្ចុប្បន្នប្រទេសចិនកំពុងតែធ្វើឱ្យសកម្មភាពនូវរីកចម្រើនជឿនលឿននៃការអភិវឌ្ឍលើវិស័យអីុនធើរណេត និងការពង្រីកប្រាក់ចំណេញរបស់ខ្លួនដល់ប្រជាជនចិនចំនួន១,៣ពាន់លានដុល្លារ ។
គួររំឮកថា ថ្មីៗនេះទីក្រុងប្រវត្តិសាស្ត្រអ៊ុជិន (Wuzhen) ក្នុងខេត្តជ័រជាំង (Zhjiang) បានរៀបចំសន្និសីទស្តីពីបណ្តាញអីុនធើរណេតពិភពលោកជាលើកដំបូង ក្នុងនោះកិច្ចការជំនួញផ្នែក Online និងបញ្ហាពាក់ព័ន្ធទាំងទ្បាយលើសេដ្ឋកិច្ចអីុនធើរណេត គឺប្រធានបទក្តៅពីបណ្តាអ្នកចូលរួមជាង១០០ប្រទេស និងក្នុងតំបន់ ។ ទើបតែប៉ុន្មានថ្ងៃមុននេះ ក្រុមហ៊ុនពាណិជ្ជកម្មតាមអីុនធើរណេតលំដាប់កំពូលទី១ របស់ចិន និងទី២លើពិភពលោក Alibaba Group មានការភ្ញាក់ផ្អើលជាមួយនឹងការលក់ប្រចាំថ្ងៃលើសកលលោករបស់ខ្លួនសម្រេចបាន ៩,២៨ពាន់លានដុល្លារ កាលពីថ្ងៃទី១១ វិច្ឆិកា កន្លងមកនេះ ។ ស្របពេលជាមួយគ្នានោះដែរ មានការគាំទ្រផ្នែកយុទ្ធសាស្ត្រ «Broadband China» របស់ក្រុមប្រឹក្សារដ្ឋ ។ ប្រតិបត្តិករមួយនេះ អាចនឹងបម្រើអតិថិជនបន្ថែមជាមួយនឹងព័ត៌មានដ៏ទូលំទូលាយ និងសេវាកម្មអីុនធើរណេតដូចជា បណ្តាញ 4G ជាដើម ដើម្បីធានាបាននូវការចែករំលែកបច្ចេកវិទ្យាជឿនលឿនជាមួយនឹងដៃគូពិភពលោក ។
ដោយទ្បែក រដ្ឋាភិបាលចិនក៏កំពុងរួសរាន់បង្កើនការស្ថាបនាហេដ្ឋារចនាសម្ព័ន្ធអីុនធើរណេត និងស្រូបយកសហគ្រិនឯកជន ដើម្បីបោះទុនវិនិយោគក្នុងឧស្សាហកម្មនេះ ស្របពេលដែលវាគឺជាកម្លាំងថ្មីមួយនៃការជំរុញសេដ្ឋកិច្ចរបស់ប្រទេសជាតិ ៕
ចែករំលែកព័តមាននេះ