ខេត្តកំពង់ចាម៖ ដើម្បីជួយសម្រាលការលំបាករបស់ប្រជាពលរដ្ឋក្នុងជីវភាពរស់នៅសព្វថ្ងៃ កាលពីថ្ងៃទី២២ វិច្ឆិកា ២០១៤ លោក មិន ឃិន ប្រធានក្រុមការងារថ្នាក់ជាតិចុះជួយស្រុកកងមាស បានចុះសាកសួរសុខទុក្ខ និងនាំយកគ្រឿងឧបភោគ បរិភោគរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាទៅចែកជូនប្រជាពលរដ្ឋក្រីក្ររស់នៅក្នុងភូមិកន្លែងរុន ភូមិបឹងទទា ភូមិទួលវិហារ និងភូមិទួលបី ឃុំរាយប៉ាយចំនួន២១០គ្រួសារ ក្នុងស្រុកកងមាស ខេត្តកំពង់ចាម ។
ពិធីនេះធ្វើឡើងនៅក្នុងបរិវេណវត្តព្រហ្មឧត្តមទួលបី ។
អំណោយដែលលោកមិន ឃិន នាំមកប្រគល់ជូនប្រជាពលរដ្ឋទាំង២១០គ្រួសារក្នុងមួយគ្រួសារៗទទួលបានអង្ករ១៦គីឡូក្រាម, មី១កេស, ទឹកត្រីពីរដប, ប្រេងឆា១ដប និងបានប្រគេនព្រះសង្ឃ១០អង្គនូវបច្ច័យមួយចំនួន។
សូមរំលឹកផងដែរថា លោក មិន ឃិន ប្រធានក្រុមការងារថ្នាក់ជាតិចុះជួយស្រុកកងមាស បានបំពេញការ ងារមនុស្សធម៌ដោយមិនប្រកាន់និន្នាការនយោបាយទូទាំងស្រុកដែលមាន១១ឃុំជាចំណុះរួមមាន ឃុំខ្ចៅ២៧០គ្រួសារ, ឃុំព្រែកកុយ២០៥គ្រួសារ, ឃុំពាមជីកង ឃុំអង្គរបាន ឃុំសូរគង ៣៤១គ្រួសារ, ឃុំស្តៅ២២០គ្រួសារ, ឃុំរកាអា២៧៥គ្រសា, ឃុំកងតាណឹង១៥០ និងឃុំរាយប៉ាយចំនួន២១០គ្រួសារ ។ សរុបចំនួនគ្រួសារដែលបានទទួលអំណោយមនុស្សធម៌ពីក្រុមការងារថ្នាក់ជាតិចុះជួយស្រុកកងមាសមានចំនួន២.០៣០គ្រួសារ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ