ខេត្តតាកែវ ៖ តំណាងBNI កម្ពុជាដឹកនំាដោយលោក ឡុក សាមឌី និង លោក វ៉ា វីរៈ បានអញ្ជើញទៅសួរសុខទុក្ខ និង នំាអំណោយជាថវិកានិងអង្ករ ទៅប្រគល់ជូនលោកតាព្រឹទ្ឋាចារ្យភិរម្យ បា្រជ្ញ ឈួន ដែលបាននិងកំពុងមានជំងឺសម្រាកនៅក្នុងភូមិសម៉ក្រោម ឃុំខ្វាវ ស្រុកទ្រំាង ។
លោក ឡុក សាមឌី បានឲ្យដឹងថា បន្ទាប់ពីឃើញគេហទំព័រ និងកាសែតកោះសន្តិភាព បានចេញផ្សាយអំពីរឿងរ៉ាវរបស់លោកតាព្រឹទ្ឋាចារ្យភិរម្យ បា្រជ្ញ ឈួន អ្នកដេញចាប៉ីដងវែងដ៍ល្បីល្បាញនៅកម្ពុជា ថាគាត់ (ភិរម្យបា្រជ្ញ ឈួន) មានជំងឺដើរទៅណាមិនរួចដោយជំងឺប្រចំាកាយនោះ លោកក៍បានប្រមែប្រមូលនូវថវិកាចុះមកសួរសុខទុក្ខ និង ប្រគល់ជូនលោកតាដោយផ្ទាល់ ។
លោកបានបន្តថា អំណោយឧបត្ថម្ភដល់លោកតា បា្រជ្ញ ឈួន មានថវិកា៨២៥ដុល្លារ និង អង្ករ១០០គីឡូក្រាម ។
ក្នុងនាមសប្បុរសជនទំាងអស់ លោកសូមជូនពរដល់លោកតាព្រឹទ្ឋាចារ្យភិរម្យ បា្រជ្ញ ឈួន ឲ្យបានឆាប់ជាពីជំងឺ ដើម្បីឲ្យលោកតាអាចបន្តជួយរក្សានូវប្រពៃណី វប្បធ៌មខ្មែរជារៀងរហូតតទៅ ។
ជាការឆ្លើយតបនាព្រឹកថ្ងៃទី២៣ វិច្ឆិកា ២០១៤នេះដែរ លោកតាព្រឹទ្ឋាចារ្យភិរម្យ បា្រជ្ញ ឈួន ក្នុងនាមក្រុមគ្រួសារ បានថ្លែងអំណរគុណយ៉ាងជ្រាលជ្រៅដល់សប្បុរសជននានាតាមរយៈលោក ឡុង សាមឌី តំណាង BNI កម្ពុជាដែលបានអញ្ជើញមកសួរសុខទុក្ខរូបលោក និងបានជូនពរសប្បុរសជនទំាងអស់មានសុខភាពល្អ រកស៊ីមានបាន និងសម្រេចកិច្ចការអ្វីៗបានសមដូចបំណងបា្រថ្នាគ្រប់ៗគ្នា ៕
ចែករំលែកព័តមាននេះ