តាមទីភ្នាក់ងារព័ត៌មានរ៉យទ័រផ្សាយថ្ងៃទី២៣ វិច្ឆិកាថា អាជ្ញាធរហូឡង់បានសម្លា.ប់ទាចំនួន៨.០០០ក្បាលកាលពីថ្ងៃទី២២ វិច្ឆិកាកន្លងមក ដើម្បីទប់ស្កាត់ការឆ្លងជំងឺគ្រុនផ្តាសាយបក្សី ដែលកំពុងរាតត្បាតក្រោយពីមានឆ្លងនៅក្នុងកសិដ្ឋានសត្វស្លាបចំនួន៣កន្លែងតែក្នុងរយៈពេល១សប្តាហ៍ ។
តាមទីភ្នាក់ងារព័ត៌មានរ៉យទ័រផ្សាយថ្ងៃទី២៣ វិច្ឆិកាថា អាជ្ញាធរហូឡង់បានសម្លាប់ទាចំនួន៨.០០០ក្បាលកាលពីថ្ងៃទី២២ វិច្ឆិកាកន្លងមក ដើម្បីទប់ស្កាត់ការឆ្លងជំងឺគ្រុនផ្តាសាយបក្សី ដែលកំពុងរាតត្បាតក្រោយពីមានឆ្លងនៅក្នុងកសិដ្ឋានសត្វស្លាបចំនួន៣កន្លែងតែក្នុងរយៈពេល១សប្តាហ៍ ។
ការសម្លាប់ទាចំនួន៨.០០០ក្បាលក្នុងដំណាក់កាលចុងក្រោយនេះ បានធ្វើឡើងនៅទីក្រុងបានេហ្វែលភាគកណ្តាលប្រទេស ដោយចាត់ទុកថា ជាផ្នែកមួយនៃការទប់ស្កាត់របស់អាជ្ញាធរហូឡង់ ដើម្បីការពារការរាតត្បាតរបស់វីរុស H5N8 បន្ទាប់ពីឃើញមានការរាតត្បាតរួចមកហើយចំនួន៣ខេត្តក្នុងចំណោម១២ខេត្តទូទាំងប្រទេសចាប់តាំងពី១សប្តាហ៍មកហើយ ។
បច្ចុប្បន្ន នៅហូឡង់មានការសម្លាប់សត្វស្លាបគ្រប់ប្រភេទចំនួនជាង២១១.០០០ក្បាល ចាប់តាំងពីការរីករាលដាលនៃវីរុសខាងលើកាលពីសប្តាហ៍មុន ។ ចំនួនសត្វស្លាបដែលត្រូវសម្លាប់នៅពេលនេះចាត់ទុកថា តិចជាងកាលពីឆ្នាំ២០០៣ ដែលមានសត្វស្លាបត្រូវសម្លាប់រហូតដល់ជាង៣០លានក្បាល ។
ហូឡង់ជាប្រទេសនាំចេញទំនិញកសិកម្មដ៏ធំលំដាប់ទី២នៅលើពិភពលោកបន្ទាប់ពីសហរដ្ឋអាមេរិក ដោយតម្លៃនៃការនាំចេញកសិផលមានច្រើនជាង៧៩.០០០លានអឺរូ៉នៅឆ្នាំ២០១៣។ ក្រៅពីនេះហូឡង់ គឺជាអ្នកនាំចេញ «ស៊ុតមាន់-ទា» ដ៏ធំ និងជាអ្នកនាំចេញសាច់បក្សីលំដាប់ទី១ នៅសហគមន៍អឺរុ៉ប (EU) ផងដែរ ៕
ចែករំលែកព័តមាននេះ