ADB ឱ្យឥណ្ឌាខ្ចី350លានដុល្លារអភិវឌ្ឍន៍បណ្តាញផ្លូវក្នុងស្រុក
ធនាគារអភិវឌ្ឍន៍អាស៊ី (ADB) កាលពីពេលថ្មីៗនេះបានអនុម័តនូវឥណទានចំនួន៣៥០លានដុល្លារដល់ប្រទេសឥណ្ឌ សម្រាប់ធ្វើឱ្យប្រសើរឡើងនូវបណ្តាញផ្លូវក្នុងរដ្ឋ Madhya Pradesh ។
ធនាគារអភិវឌ្ឍន៍អាស៊ី (ADB) កាលពីពេលថ្មីៗនេះបានអនុម័តនូវឥណទានចំនួន៣៥០លានដុល្លារដល់ប្រទេសឥណ្ឌ សម្រាប់ធ្វើឱ្យប្រសើរឡើងនូវបណ្តាញផ្លូវក្នុងរដ្ឋ Madhya Pradesh ។
លោក Ravi Peri អ្នកឯកទេសផ្នែកដឹកជញ្ជូនបានលើកឡើងថា Madhya Pradesh ជារដ្ឋធំជាងគេបំផុតទី២របស់ប្រទេសឥណ្ឌា ដែលជាមជ្ឈមណ្ឌលឧស្សាហកម្ម និងតំបន់ផលិតកម្មកសិកម្ម ដូចនេះប្រសិទ្ធភាព និងសុវត្ថិភាពបណ្តាញផ្លូវ គឺជាកត្តាសំខាន់ចំពោះសេដ្ឋកិច្ច និងជីវភាពរស់នៅល្អប្រសើររបស់ប្រជាជន ។
គួរបញ្ជាក់ថា នេះគឺជាឥណទានទី១របស់ ADB ក្នុងវិស័យផ្លូវថ្នល់ក្នុងស្រុក ក្នុងប្រទេសឥណ្ឌា ហើយវានឹងមានទិសដៅទៅលើផ្នែកដែលទុកចោលដើម្បីអភិវឌ្ឍឱ្យកាន់តែប្រសើរឡើងដែលជាបណ្តាញផ្លូវស្នូលរវាងផ្លូវជនបទ និងផ្លូវជាតិក្នុងរដ្ឋនោះ ។ ដោយផ្នែកតាមគម្រោងការប្រតិបត្តិការធ្វើឱ្យជឿនលឿននេះ គឺលើកំណាត់ផ្លូវប្រមាណជា១.៦០០គីឡូមែ៉ត្រ ។
ទោះជាយ៉ាងណា ឥណទានរបស់ ADB នឹងគ្របដណ្តប់៧០% នៃគម្រោងសរុបដែលមានទឹកប្រាក់៥០០លានដុល្លារ ដែលមានការចូលរួមជាមួយនឹងរដ្នាភិបាលសាមីដែលផ្តល់នូវទឹកប្រាក់១៥០លានដុល្លារ ។ ជាងនេះទៅទៀតគម្រោងនេះត្រូវបានគេរំពឹងថានឹងបញ្ចប់ក្នុងខែមេសា ឆ្នាំ២០១៨ ៕
ចែករំលែកព័តមាននេះ