បន្ទាប់ពីរកមិនបានជ័យជម្នះទាល់តែសោះ៥ប្រកួតក្រៅទឹកដីកន្លងមក ទីបំផុតក្លិបបិសាចក្រហម Man Utd បានបើកទំព័រប្រវត្តិសាស្ត្រថ្មីរកឃើញជ័យជម្នះលើកដំបូង នៅក្រៅផ្ទះរបស់ខ្លួន បន្ទាប់ពីផ្តួលក្រុមកាំភ្លើងធំ Arsenal ដោយលទ្ធផល 2-1 ។
ក្លិបកាំភ្លើងធំ Arsenal ចាប់ផ្តើមប្រកួត៣០នាទីដំបូងជាមួយនឹងទម្រង់លេងបានល្អជាងក្លិប Man Utd ហើយមានឱកាសស៊ុតបាល់បញ្ចូលទីបានជាច្រើនគ្រាប់ តែត្រូវបានសង្គ្រោះដោយកីឡាករចាំទី ដេវីដ ឌឺគៀ ធ្វើឱ្យលទ្ធផលចប់ការប្រកួតតង់ទី១ គឺស្មើ 0-0 ។
ចូលមកដល់តង់ទី២ ក្លិបបិសាចក្រហម Man Utd បានប្តូរយុទ្ធសាស្ត្រថ្មី វាយសង្គ្រប់ទៅលើក្លិបកាំភ្លើងធំ Arsenal យ៉ាងខ្លាំង ។ ហើយជាលទ្ធផលនៅនាទី៥៦កីឡាករខ្សែការពារ G Kibbs បាននាំសំណាងឱ្យក្លិប Man Utd ដោយការស៊ុតបាល់បញ្ចូលទីខ្លួនឯងធ្វើឱ្យក្លិប Man Utd មានឱកាសនាំមុខ 1-0 ។ បន្ថែមពីនេះទៀតនៅនាទី៨៥ កីឡាករ រ៉ូនី ស៊ុតបាល់បាន១គ្រាប់ទៀតនាំមុខ 2-0 ។ ទោះជាយ៉ាងណាក្តី នៅនាទី៩០បូក៥កីឡាករខ្សែបម្រើ Giroud រកគ្រាប់បាន១គ្រាប់ តាមពីក្រោយ Man Utd ហើយបានរក្សាលទ្ធផលនេះរហូតដល់ចប់ការប្រកួត៩០នាទីគឺ Man Utd ឈ្នះ 2-1 ។
ចែករំលែកព័តមាននេះ