រាជធានីភ្នំពេញ ៖ កម្លាំងប៉ូលិសខណ្ឌមានជ័យ ពួនស្ទាក់ចាប់បានជនសង្ស័យបីនាក់ នៅចំណុចផ្លូវប៉េតុង ចេញពីផ្លូវមុន្នីរ៉េតហួសក្លិបឌឹម៉ូន ប្រហែល៣០០ម៉ែត្រ ស្ថិតនៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង១២និង១២នាទីយប់ឈានចូលថ្ងៃទី២៣ វិច្ឆកា ២០១៤ បន្ទាប់
រាជធានីភ្នំពេញ ៖ កម្លាំងប៉ូលិសខណ្ឌមានជ័យ ពួនស្ទាក់ចាប់បានជនសង្ស័យបីនាក់ នៅចំណុចផ្លូវប៉េតុង ចេញពីផ្លូវមុន្នីរ៉េតហួសក្លិបឌឹម៉ូន ប្រហែល៣០០ម៉ែត្រ ស្ថិតនៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង១២និង១២នាទីយប់ឈានចូលថ្ងៃទី២៣ វិច្ឆកា ២០១៤ បន្ទាប់ពីពួកគេទាំងបីនាក់ ជីះម៉ូតូមួយគ្រឿងម៉ា អ៊ែរប្លែក ដោយមានលាក់នូវពូថៅ និងដាវសាំម៉ូរ៉ៃជាច្រើនដាវក្នុងកែបម៉ូតូ ។
ជនសង្ស័យទាំង៣នាក់មាន ១-ឈ្នោះហឿ ហ៊ុយ អាយុ២៥ឆ្នាំ ភេទប្រុស ទីលំនៅភូមិប៉ឹលពី ស្រុកក្រូចឆ្មារ ខេត្តកំពុងចាម ២-ឈ្មោះរ៉ា រិទ្ធិ អាយុ១៩ឆ្នាំទីលំនៅភូមិវិហារខ្ពស់ ស្រុកឧត្ដុង្គ ខេត្តកំពុងស្ពឺ និង៣-ឈ្មោះម៉ង ភាព អាយុ១៨ឆ្នាំ ស្នាក់នៅភូមិ ត្រពាំងចាន់ ស្រុកក្រចាប់ខេត្តកំពុងឆ្នាំង។
មុននឹងឈានដល់ឃាត់ខ្លួនជនសង្ស័យទាំងបីនាក់ខាងលើ គឺកម្លាំងអាវុធហត្ថខណ្ឌមានជ័យ បានជិះម៉ូតូល្បាតក្នុងមូលដ្ឋានរបស់ខ្លួនធម្មតា លុះមកដល់វេលាកើតហេតុ ស្រាប់តែប្រទះឃើញជនសង្ស័យទាំងបីនាក់ ជិះម៉ូតូឌុបគ្នាគួរឱ្យសង្ស័យក៏ស្រែក ហៅឱ្យឈប់ ហើយធ្វើការឆែកឆេរក៏រកឃើញពូថៅ ដាវសាំម៉ូរ៉ៃ និងសម្ភារក្នុងការត្រៀមធ្វើសកម្មភាពផ្សេងៗជាច្រើនទៀត ទើបធ្វើការឃាត់ខ្លួនភ្លាមតែម្តង។
ក្នុងការឃាត់ខ្លួននេះ កម្លាំងប៉ូលិសខណ្ឌមានជ័យដកហូតបានដាវសាំម៉ូរ៉ៃចំនួន៣ដើម ពូថៅមួយ និងដបស្រាសាច់ដុំ៣ដប ដែលដាក់ទឹកកន្លះៗ នៅក្នុងកែបម៉ូតូ។
ក្រោយឃាត់ខ្លួនភ្លាមៗ ជនសង្ស័យទាំងបីនាក់ និងវត្ថុតាងត្រូវបញ្ចូនទៅកាន់ទីបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីចាត់ការបន្ត៕
ចែករំលែកព័តមាននេះ