រាជធានីភ្នំពេញ ៖ បើគ្មានអ្វីប្រែប្រួលនោះទេ តាមការអញ្ជើញរបស់លោក ថងស៊ីង ថំាម៉ាវង់ នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ សម្តេចអគ្គមហាសេនាបតីតេជោ ហ៊ុន សែន នាយរដ្ឋមន្រ្តីនៃព្រះរាជាណាចក្រកម្ពុជា នឹងដឹកនំាគណៈប្រតិភូ
រាជធានីភ្នំពេញ ៖ បើគ្មានអ្វីប្រែប្រួលនោះទេ តាមការអញ្ជើញរបស់លោក ថងស៊ីង ថំាម៉ាវង់ នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ សម្តេចអគ្គមហាសេនាបតីតេជោ ហ៊ុន សែន នាយរដ្ឋមន្រ្តីនៃព្រះរាជាណាចក្រកម្ពុជា នឹងដឹកនំាគណៈប្រតិភូជាន់ខ្ពស់រាជរដ្ឋាភិបាលអាណត្តិទី៥ អញ្ជើញទៅចូលរួមកិច្ចប្រជុំកំពូលកម្ពុជា ឡាវ វៀតណាម (CLV) លើកទី៨ ដែលនឹងប្រព្រឹត្តទៅពីថ្ងៃទី២៤ ដល់ថ្ងៃទី២៥ វិច្ឆិកា ២០១៤ នៅទីក្រុងវៀងច័ន្ទ ។
គណៈប្រតិភូអមដំណើរសម្តេចតេជោ ហ៊ុន សែន ដែលនឹងចាកចេញពីកម្ពុជានៅម៉ោង៣រសៀលថ្ងៃទី២៣ វិច្ឆិកា ២០១៤នេះរួមមាន៖ លោកទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងពាណិជ្ជកម្ម , លោក ត្រាំ អ៊ីវតឹក រដ្ឋមន្រ្តីក្រសួងសាធារណការ និង ដឹកជញ្ជូន , លោកបណ្ឌិត ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និង កីឡា និង សមាជិកដទៃទៀតនៃរាជរដ្ឋាភិបាល ។
បើតាមសេចក្តីជូនព័ត៌មានរបស់ក្រសួងការបរទេស និងសហប្រតិបត្តិការអន្តរជាតិរបស់ប្រទេសកម្ពុជា ចុះថ្ងៃទី១៧ វិច្ឆិកា ២០១៤ បានឲ្យដឹងថា កិច្ចប្រជុំកំពូលខាងលើនេះ នឹងពិនិត្យឡើងវិញនូវសមិទ្ឋផលនៃកិច្ចប្រជុំកំពូល CLV លើកទី៧ និង កំណត់ទិសដៅអនាគត ដើម្បីធ្វើការអភិវឌ្ឍបន្ថែមទៀតតំបន់ត្រីកោណនៃប្រទេសទំាងបី ។
សេចក្តីប្រកាសរួមនៃកិច្ចប្រជុំកំពូល CLV លើកទី៨ ស្តីពីតំបន់អភិវឌ្ឍន៍ត្រីកោណ នឹងត្រូវបានចុះហត្ថលេខានៅចុងបញ្ចប់នៃកិច្ចប្រជុំកំពូលនេះ ។
សេចក្តីជូនព័ត៌មានដដែលបានបញ្ជាក់ទៀតថា ក្រៅពីចូលរួមកិច្ចប្រជុំកំពូលនេះ សម្តេចអគ្គមហាសេនាបតីតេជោ ហ៊ុន សែន នឹងចូលជួបសម្តែងការគួរសមជាមួយ លោក ជុំម៉ាលី សាយ៉ាសន ប្រធានាធិបតីនៃសធារណរដ្ឋប្រជាធិបតេយ្យប្រជាមានិតឡាវផងដែរ ៕
ចែករំលែកព័តមាននេះ