ខេត្តកណ្តាល ៖ ជនសង្ស័យជាចោរលួចម៉ូតូម្នាក់ត្រូវសមត្ថកិច្ចស្រុកលើកដែកសហការជាមួយសមត្ថកិច្ចប៉ុស្តិ៍រដ្ឋបាលនគរបាលឃុំគគីរធំ ស្រុកកៀនស្វាយ រួមទាំងប្រជាពលរដ្ឋជាច្រើននាក់ដេញព័ទ្ធចាប់បានកាលពីវេលាម៉ោង៩ និង៣០នាទីព្រឹក ថ្ងៃទី២៣ វិច្ឆិកា ២០១៤ នេះនៅចំណុចស្រះទឹកមួយកន្លែង ស្ថិតនៅខាងក្រោយសាលាឃុំគគីរធំ ភូមិគគីរធំ ស្រុកកៀនស្វាយ
ខេត្តកណ្តាល ៖ ជនសង្ស័យជាចោរលួចម៉ូតូម្នាក់ត្រូវសមត្ថកិច្ចស្រុកលើកដែកសហការជាមួយសមត្ថកិច្ចប៉ុស្តិ៍រដ្ឋបាលនគរបាលឃុំគគីរធំ ស្រុកកៀនស្វាយ រួមទាំងប្រជាពលរដ្ឋជាច្រើននាក់ដេញព័ទ្ធចាប់បានកាលពីវេលាម៉ោង៩ និង៣០នាទីព្រឹក ថ្ងៃទី២៣ វិច្ឆិកា ២០១៤ នេះនៅចំណុចស្រះទឹកមួយកន្លែង ស្ថិតនៅខាងក្រោយសាលាឃុំគគីរធំ ភូមិគគីរធំ ស្រុកកៀនស្វាយ បន្ទាប់ពីជនសង្ស័យលួចម៉ូតូគេពីផ្សារអ្នកលឿងខាងលិច ហើយព្យាយាមជិះគេចខ្លួន។
សមត្ថកិច្ចស្រុកកៀនស្វាយបានឱ្យដឹងថា ជនសង្ស័យឈ្មោះវ៉ាន់ សុផល ភេទប្រុស អាយុ៤០ឆ្នាំ មានទីលំនៅភូមិព្រៃស្លា ភូមិព្រៃញៃ ស្រុកពារាំង ខេត្តព្រៃវែង បានធ្វើសកម្មភាពលួចម៉ូតូម៉ាកស្មាស់ ស៊េរី២០០៥ ពាក់ស្លាកលេខកណ្តាល១C៩៧៩៨ ជាកម្មសិទ្ធិរបស់ឈ្មោះសំ ផាន់ណា ភេទប្រុស អាយុ៣៤ឆ្នាំ និងប្រពន្ធឈ្មោះពុំ ចិន្តា អាយុ២៨ឆ្នាំ មានទីលំនៅភូមិគគីរធំ ឃុំគគីរធំ ស្រុកកៀនស្វាយ។
ជនសង្ស័យបានធ្វើសកម្មភាពលួចម៉ូតូនេះ ខណៈម្ចាស់រវល់ចូលផ្សារ ហើយទុកម៉ូតូនៅខាងក្រៅ។
បច្ចុប្បន្នជនសង្ស័យ និងម៉ូតូត្រូវសមត្ថកិច្ចបញ្ជូនទៅកាន់ប៉ុស្តិ៍គគីរធំដើម្បីចាត់ការតាមនីតិវិធី៕
ចែករំលែកព័តមាននេះ