រាជធានីភ្នំពេញ ៖ ក្រុមគ្រូពេទ្យស្ម័គ្រចិត្តរបស់សម្តេចអគ្គមហាធម្មពោធិសាល ជា ស៊ីម ប្រធានព្រឹទ្ធសភា នៅព្រឹកថ្ងៃទី២៣ វិច្ឆិកា នេះបានចុះពិនិត្យ ព្យាបាល វះកាត់ និងចែកថ្នាំជូនប្រជាពលរដ្ឋក្នុងសង្កាត់កោះដាច់ ខណ្ឌជ្រោយចង្វារ។
ពិធីនេះរៀបចំឡើងនៅក្នុងវិទ្យាល័យប៊ុន រ៉ានី ហ៊ុន សែន កោះដាច់ ក្រោមការដឹកនាំរបស់លោកអ៊ុំ សារិទ្ធ អគ្គលេខាធិការដ្ឋានព្រឹទ្ធសភា និងជាប្រធានក្រុមការងារចុះជួយខណ្ឌជ្រោយចង្វារ និងលោកឃ្លាំង ហួត ប្រធានក្រុមការងារចុះជួយសង្កាត់កោះដាច់។
ការចុះពិនិត្យ ព្យាបាលនេះមានក្រុមគ្រូពេទ្យស្ម័គ្រចិត្តប្រមាណ៥០០នាក់ ក្នុងនោះព្យាបាលជំងឺទូទៅ ជំងឺកុមារ ជំងឺភ្នែក ច្រមុះ បំពង់.ក ត្រចៀក ព្រមទាំងធ្វើការវះកាត់ និងចែកថ្នាំទៀតផង ក្រៅពីនោះក៏មានរទេះរុញសម្រាប់ចែកជូនជនពិការផងដែរ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ