ខេត្តកំពង់ស្ពឺ ៖ អ្នកបើកបររថយន្តក្រុមហ៊ុនស្រាបៀរឯកជនមួយបានរងរបួសធ្ងន់ធ្ងរកៀបជាប់ក្នុងរថយន្តដោយសាររថយន្តកុងតឺន័របើកបញ្ច្រាសទិសបុករថយន្តជនរងគ្រោះចំពីមុខពេញទំហឹង ។
ខេត្តកំពង់ស្ពឺ ៖ អ្នកបើកបររថយន្តក្រុមហ៊ុនស្រាបៀរឯកជនមួយបានរងរបួសធ្ងន់ធ្ងរកៀបជាប់ក្នុងរថយន្តដោយសាររថយន្តកុងតឺន័របើកបញ្ច្រាសទិសបុករថយន្តជនរងគ្រោះចំពីមុខពេញទំហឹង ។
ឧបទ្ទវហេតុនេះ បានកើតឡើងនៅម៉ោង៨ព្រឹកថ្ងៃទី២៣ វិច្ឆិកា ២០១៤ នៅតាមបណ្តោយផ្លូវជាតិលេខ៤ ក្នុងភូមិអន្លង់គង់ ឃុំត្រពំាងកង ស្រុកសំរោងទង ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីសមត្ថកិច្ចនិងសាក្សីបញ្ជាក់ឲ្យដឹងថា មុនពេលកើតហេតុ គេឃើញរថយន្តកុងតឺន័រ បើកក្នុងទិសដៅពីកើតទៅលិច លុះមកដល់ចំណុចកើតហេតុបានគេចម៉ូតូមួយគ្រឿង ក៍រំលោភចូលទៅផ្លូវម្ខាងទៀត បណ្តាលឲ្យបុករថយន្តក្រុមហ៊ុនស្រាបៀេរឯកជនមួយដែលកំពុងបើកបរក្នុងទិសដៅពីលិចទៅកើតចំពីមុខពេញទំហឹង បណ្តាលឲ្យអ្នកបើរបរឈ្មោះ ជុំ ចាន់រស្មី ជាប្រធានផ្នែកលក់របស់ក្រុមហ៊ុនស្រាបៀរ កៀបជាប់ក្នុងរថយន្តរបួសធ្ងន់ធ្ងរតែម្តង ចំណែកអ្នកបើករថយន្តកុងតឺន័ររត់គេចខ្លួនបាត់។
រថយន្តបង្កម៉ាកនីសាន់ ព៌ណឈាមជ្រូក ពាក់ស្លាកលេខភ្នំពេញ 2A2851 បើកបរដោយឈ្មោះ ចាន់ សុភ័ក្ត្រ អាយុ២៥ឆ្នាំ រីឯរថយន្តក្រុមហ៊ុនស្រាបៀរម៉ាកហ៊ីយ៉ាន់ដាយ ព៌ណក្រហម ពាក់ស្លាកលេខភ្នំពេញ 2N 5439 ។
នៅពេលនេះ សមត្ថកិច្ចកំពុងស្ទូចរថយន្ត និងនំាយករថយន្តកុងតឺន័រ មករក្សាទុកនៅអធិការដ្ឋាននគរបាលស្រុកសំរោងទង រង់ចំាដោះស្រាយតាមច្បាប់ ចំណែកអ្នករបួសធ្ងន់បានត្រូវបញ្ជូនមកសង្គ្រោះបន្ទាន់នៅមន្ទីរពេទ្យ ៕
ចែករំលែកព័តមាននេះ