រាជធានីភ្នំពេញ ៖ លោកលីម សុភា អភិបាលខណ្ឌ៧មករា និងលោកងួន ប៊ុនណាន នាយករដ្ឋបាល ព្រមទាំងចៅសង្កាត់វាលវង់ កាលពីព្រឹកថ្ងៃទី២១ វិច្ឆិកា បានសហការជាមួយក្រុមហ៊ុនស៊ិនទ្រីទៅពិនិត្យ និងប្រមូលសំរាមនៅប្លុកបុរីកីឡា ដែលត្រូវអ្នកស្នាក់នៅ
រាជធានីភ្នំពេញ ៖ លោកលីម សុភា អភិបាលខណ្ឌ៧មករា និងលោកងួន ប៊ុនណាន នាយករដ្ឋបាល ព្រមទាំងចៅសង្កាត់វាលវង់ កាលពីព្រឹកថ្ងៃទី២១ វិច្ឆិកា បានសហការជាមួយក្រុមហ៊ុនស៊ិនទ្រីទៅពិនិត្យ និងប្រមូលសំរាមនៅប្លុកបុរីកីឡា ដែលត្រូវអ្នកស្នាក់នៅទីនោះគរទុកប្រមាណ៥០០តោន ។
លោកអភិបាលខណ្ឌ៧មករា បានថ្លែងថា សំរាមនេះគេគរទុកចោលច្រើនខែហើយ នៅកៀនខាងក្រោយអគារបុរីកីឡា ដែលធ្វើឱ្យក្រុមហ៊ុនប្រមូលសំរាមលំបាកចូលយក និងបានជះក្លិនស្អុយរលួយរាប់ឆ្នាំ ។ ដោយមើលឃើញដូច្នោះហើយ ក្នុងនាមលោកជាអភិបាល ខណ្ឌទើបកាន់តំណែងអាណត្តិថ្មីនេះ បានសហការជាមួយក្រុមហ៊ុនស៊ិនទ្រី ប្រមូលសំរាមទាំងនោះដឹកចេញ ។
លោកលីម សុភា បន្តថា ក្រោយពីប្រមូលសំរាមនេះចេញទៅ តម្រូវឱ្យអ្នកស្នាក់នៅបុរីកីឡា ឈប់យកសំរាមទៅចាក់ចោលពាសវាលពាសកាលតទៅទៀត ដោយឱ្យពួកគាត់ដាក់ក្នុងធុងត្រឹមត្រូវ ទុកឱ្យក្រុមហ៊ុនទៅប្រមូលយក កុំឱ្យនៅគរដូចភ្នំស្អុយរលួយដូច្នោះទៀត ។ អ្នកស្នាក់នៅប្លុកបុរីកីឡា បានអបអរសាទរចំពោះលោកលីម សុភា អភិបាលខណ្ឌ៧មករា ដែលបានយកចិត្តទុកដាក់ឱ្យមានការដឹកសំរាមស្អុយរលួយកាន់ឆ្នាំនេះចេញ ដែលនឹងកាត់បន្ថយនូវជំងឺផ្សេងៗ ព្រោះកន្លងមកពួកគាត់ធុញថប់នឹងគំនរសំរាមរាប់រយតោនដែលគ្មានអ្នកណាអើពើនេះណាស់ ។
អ្នកស្នាក់នៅបុរីកីឡាបន្តថា សំរាមនេះត្រូវគេគរចោលយូរខែឆ្នាំហើយ តាំងពីអ្នកស្នាក់នៅបុរីកីឡា១ក្រុម កើតមានជម្លោះជាមួយក្រុមហ៊ុនផានអុីម៉ិច មុនពេលបោះឆ្នោតសាកលជ្រើសតាំងតំណាងរាស្ត្រអាណត្តិទី៥ម្លេ៉ះ ។ ចាប់ពីពេលនេះទៅ ប្រជាពលរដ្ឋធូរស្រាលលែងបានហិតក្លិនសំរាមនោះទៀតហើយ ព្រមទាំងចូលរួមធ្វើអនាមយ័តាមការណែនាំរបស់អាជ្ញាធរ ៕
ចែករំលែកព័តមាននេះ