ទីភ្នាក់ងារសន្តិសុខអីុស្រាអែល Shin Bet បានឱ្យដឹងកាលពីថ្ងៃទី២០ វិច្ឆិកា ថា កងកម្លាំងសន្តិសុខបានចាប់ខ្លួនក្រុមហាម៉ាស់ ស្ថិតក្នុងតំបន់ West Bank ដែលគ្រោងសម្លាប់លោករដ្ឋមន្ត្រីការបរទេសអីុស្រាអែល Avigdor Lieberman ។ ទីភ្នាក់ងារ Shin Bet ឱ្យដឹងទៀតថា ជនសង្ស័យ៣នាក់ត្រូវបានឃុំខ្លួនក្នុងមន្ទីឃុំឃាំងដោយកម្លាំងចារកម្មពិសេសរបស់លោករដ្ឋមន្ត្រី ខណៈក្រុមមួយនេះគ្រោងបាញ់សម្លាប់លោករដ្ឋមន្ត្រីនៅពេលរូបលោកធ្វើដំណើរចេញពីគេហដ្ឋានទៅកាន់តំបន់ West Bank ។
ជនសង្ស័យ៣នាក់នោះមានឈ្មោះ Ibrahim el-Zi, Ziad el-Zir និង Adnas Tzabih ពួកគេទាំង៣នាក់មកពីភូមិ West Bank តំបន់ Harmala ក្បែរតំបន់ Nokdim ។ ពួកគេសារភាពថា ក្នុងអំឡុងពេលសង្គ្រាមកាលពីខែកក្កដា និងសីហា កន្លងទៅ នៅតំបន់ហ្គាហ្សារបស់អីុស្រាអែល Ibrahim el Zir និងបក្យពួករបស់គេចាប់ផ្តើមរៀបចំគម្រោងវាយប្រហារលោករដ្ឋមន្ត្រីតាមរថយន្ត ក្នុងគោលបំណងដើម្បីផ្ញើសារទៅកាន់អុីស្រាអែលីឱ្យបញ្ចប់សង្គ្រាមក្នុងតំបន់ហ្គាហ្សា ។
បច្ចុប្បន្ននេះ ជនសង្ស័យទាំងអស់កំពុងស្ថិតនៅក្នុងតុលាការយោធាតំបន់ West Bank ជាប់ចោទពីបទក្បត់ និងប្រើប្រាស់អាវុធ ៕
ចែករំលែកព័តមាននេះ