តាមរបាយការណ៍ពីទីក្រុងហ្សឺណែវ ប្រទេសស្វ៊ីសផ្សាយថា លោក Choe Myong Nam មន្ត្រីការទូតជាន់ខ្ពស់កូរ៉េខាងជើងប្រចាំអង្គការសហប្រជាជាតិ (UN) បានថ្លែងរំលឹកដល់សហគមន៍អន្តរជាតិ កាលពីពេលថ្មីៗកន្លងមកថា ការព្រមានរដ្ឋាភិបាលក្រុងព្យុងយ៉ាងលើផ្នែកសិទ្ធិមនុស្ស និងការព្យាយាម
តាមរបាយការណ៍ពីទីក្រុងហ្សឺណែវ ប្រទេសស្វ៊ីសផ្សាយថា លោក Choe Myong Nam មន្ត្រីការទូតជាន់ខ្ពស់កូរ៉េខាងជើងប្រចាំអង្គការសហប្រជាជាតិ (UN) បានថ្លែងរំលឹកដល់សហគមន៍អន្តរជាតិ កាលពីពេលថ្មីៗកន្លងមកថា ការព្រមានរដ្ឋាភិបាលក្រុងព្យុងយ៉ាងលើផ្នែកសិទ្ធិមនុស្ស និងការព្យាយាមជំរុញឱ្យមានការប្តឹងកូរ៉េខាងជើងដល់តុលាការឧក្រិដ្ឋអន្តរជាតិ (ICC) ក្នុងក្តីឧក្រិដ្ឋកម្មមនុស្សជាតិនោះ មិនអាចដាក់គំនាបដល់រដ្ឋាភិបាលកូរ៉េខាងជើងឱ្យផ្អាកគម្រោងការនុយក្លេអ៊ែររបស់ខ្លួនបានទេ ។
សេចក្តីថ្លែងការណ៍របស់លោក Choe Myong Nam បានធ្វើឡើងនៅមុនកិច្ចប្រជុំផ្នែកសិទ្ធិមនុស្សរបស់អង្គការសហប្រជាជាតិ (UNHCR) ដោយមានការយល់ស្របចំនួន១១១សំឡេងលើសេចក្តីព្រាងព្រមានកូរ៉េខាងជើងក្នុងករណីល្មើសលើសិទ្ធិមនុស្សធ្ងន់ធ្ងរ ។ លើសពីនេះ ក៏បានអំពាវនាវឱ្យមានការដាក់ទណ្ឌកម្មដល់អ្នកដែលពាក់ព័ន្ធជា «លក្ខណៈបុគ្គល» និងស្នើឱ្យសើរើរឿងក្តីតាមផ្លូវច្បាប់ «ចំពោះមន្ត្រីជាន់ខ្ពស់» តាមរយៈការពិចារណារបស់ ICC ។
ក្រោយពេលការបោះប្រជាមតិបានបញ្ចប់ រដ្ឋាភិបាលក្រុងព្យុងយ៉ាង បានថ្លែងព្រមានដល់ UNHCR និងក្រើនរំលឹកថា ការធ្វើប្រជាមតិនេះនឹងជំរុញឱ្យកូរ៉េខាងជើងព្យាយាមដំណើរការគម្រោងនុយក្លេអ៊ែរកាន់តែខ្លាំង ។ ទោះបីជាកិច្ចប្រជុំ UNHCR មានមតិយល់ស្របឱ្យដំណើរការរឿងក្តីជាមួយកូរ៉េខាងជើងពីករណីល្មើសលើសិទ្ធិមនុស្សធ្ងន់ធ្ងរក៏ដោយ ប៉ុន្តែអំណាចនៃការសម្រេចក្នុងដំណាក់កាលចុងក្រោយថា តើត្រូវដំណើរការរឿងនេះឬអត់ គឺអាស្រ័យលើការបោះប្រជាមតិក្នុងកិច្ចប្រជុំក្រុមប្រឹក្សាសន្តិសុខរបស់អង្គការសហប្រជាជាតិដែលមាន៥ប្រទេស ក្នុងនោះមានរុស្ស៊ីនិងចិនជាប្រទេស២ ក្នុងចំណោមសមាជិកអចិន្ត្រៃយ៍ទាំង៥ អាចច្រានចោលមតិខាងលើបាន ៕
ចែករំលែកព័តមាននេះ