រាជធានីភ្នំពេញ ៖ នៅវេលាម៉ោង៧ និង៣០ព្រឹក ថ្ងៃទី២១ វិច្ឆិកា នេះ កម្មកររោងចក្រជីមលីបានលើកគ្នាជិះរថយន្តចំនួន១២គ្រឿងធ្វើដំណើរមកកាន់រដ្ឋសភាជាតិដើម្បីបន្តធ្វើការតវ៉ាទាមទារលក្ខខណ្ឌការងារជាថ្មីទៀត បន្ទាប់ពីជំនួបរវាងក្រសួងការងារជាមួយថៅកែរោងចក្រពុំទទួលបានលទ្ធផល។
ពេលនេះក្បួនដង្ហែរបស់កម្មកររោងចក្របានធ្វើដំណើរមកជិតដល់រដ្ឋសភាជាតិហើយ។
គួរបញ្ជាក់ថា កាលពីវេលាម៉ោង៧ និង៣០នាទីព្រឹក ថ្ងៃទី១៩ វិច្ឆិកា កម្មកររោងចក្រជីមលី ដែលមានទីតាំងស្ថិតក្នុងភូមិត្រពាំងទួល សង្កាត់កំបូល ខណ្ឌពោធិ៍សែនជ័យប្រមាណជាង២.០០០នាក់បានលើកគ្នាហែក្បួនចេញពីមុខរោងចក្រទៅកាន់ក្រសួងការងារដើម្បីឱ្យក្រសួងជួយដោះស្រាយលក្ខខណ្ឌការងារ៨ចំណុចដែលពួកគេទាមទារពីរោងចក្រ។
លុះដល់វេលាម៉ោង១២ និង៤៧នាទីថ្ងៃត្រង់ ថ្ងៃដដែល កម្មកររោងចក្រជីមលីនាំគ្នាឡើងជិះរថយន្តត្រឡប់ទៅរោងចក្រ និងលំនៅឋានវិញ ន្ទាប់ពីតំណាងរោងចក្រចំនួន១០នាក់ចូលជួបគណៈកម្មការដោះស្រាយវិវាទនៅក្រសួងការងារ ហើយក្រសួងការងារសន្យានឹងចូលជួបថៅកែរោងចក្រដើម្បីដោះស្រាយ៕
ចែករំលែកព័តមាននេះ