រាជធានីភ្នំពេញ ៖ បុរសជនជាតិចិនបើករថយន្តឡិចស៊ីស RX-300 មួយគ្រឿង ជ្រុលទៅបុករថយន្តឡង់គ្រីស័រ ៥៧០ របស់លោកអភិបាលរងខណ្ឌទួលគោកបណ្តាលឱ្យរថយន្តរបស់លោកអភិបាលរងខណ្ឌជ្រុលទៅបុកបង្គោលភ្លើងមួយដើមទ្រេត និង កៀបជាប់រថយន្តបើកទៅមុខលែងរួច ប៉ុន្តែគ្មានអ្នករងរបួសទេ ។
រាជធានីភ្នំពេញ ៖ បុរសជនជាតិចិនបើករថយន្តឡិចស៊ីស RX-300 មួយគ្រឿង ជ្រុលទៅបុករថយន្តឡង់គ្រីស័រ ៥៧០ របស់លោកអភិបាលរងខណ្ឌទួលគោកបណ្តាលឱ្យរថយន្តរបស់លោកអភិបាលរងខណ្ឌជ្រុលទៅបុកបង្គោលភ្លើងមួយដើមទ្រេត និង កៀបជាប់រថយន្តបើកទៅមុខលែងរួច ប៉ុន្តែគ្មានអ្នករងរបួសទេ ។ ហេតុការណ៍នេះបានកើតឡើងកាលពីវេលាម៉ោង ៣ និង ២០នាទីទាបភ្លឺ ឈានចូលថ្ងៃទី ២១ វិចិ្ឆកា ២០១៤ នៅចំណុចផ្លូវព្រះសីហនុ កែង និងផ្លូវលេខ១០៥ ស្ថិតក្នុងសង្កាត់បឹងព្រលិត ខណ្ឌ៧មករា ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្ត ឡិច ស៊ីសRX-300មួយគ្រឿង ពណ៌ស្ករ ពាក់ស្លាកលេខភ្នំពេញ2N-5200 បើកបរដោយបុរសជនជាតិចិនម្នាក់ដោយធ្វើដំណើរតាមផ្លូវលេខ ១០៥ ក្នុងទិសដៅ ពីត្បូងទៅជើង ខណៈមកដល់ចំណុចកែងផ្លូវព្រះសីហនុ ក៏បានជ្រុលល្បឿនទៅបុក រថយន្តម៉ាក ឡង់គ្រីស័រ ៥៧០ ពណ៌ស មួយគ្រឿងបើកបរដោយលោកអភិបារងខណ្ឌទួលគោក សាំង សុភក្រ័វិចិត្រ ដោយធ្វើដំណើរតាមផ្លូវព្រះសីហនុក្នុងទិស ដៅ ពីកើតទៅលិច ចំពេញទំហឹងបណ្តាលឱ្យរថយន្តរបស់លោកអភិបាលរងខណ្ឌជ្រុលទៅបុកបង្គោលភ្លើងមួយ ដើមទ្រេត និងកៀបជាប់រថយន្តបើកទៅមុខលែងរួច ប៉ុន្តែគ្មានអ្នករងរបួសទេ ។ រថយន្តទាំងពីរគ្រឿងពេលបើកបរមកដល់ចំណុចផ្លូវបែកជា៤គឺមិនបានបន្ថយល្បឿនដូចគ្នាទើបមានគ្រោះថ្នាក់ចរាចរណ៍កើតឡើង ។
ក្រោយពេលកើតហេតុគេឃើញអ្នកបើកបររថយន្តទាំងសងខាងបើកទ្វារចុះពីលើរថយន្តទាំងអាការៈស្រវឹងស្រាដូចគ្នា ។ បន្ទាប់មកសមត្ថកិច្ចមូលដ្ឋានសហការជាមួយប៉ូលិសចរាចរក្រុង បានចុះមកវាស់វែង និងស្ទូចយករថយន្តទាំងពីរគ្រឿងទៅដោះស្រាយគ្នានៅការិយាល័យចរាចរផ្លូវគោក នៃស្នងការដ្ឋាននគរបាលរាជធានីភ្នំពេញ ។
ចែករំលែកព័តមាននេះ