រាជធានីភ្នំពេញ ៖ ម៉ូតូពីរគ្រឿងបើកឆ្លងផ្លូវត្រូវរថយន្តកុងតឺន័របើកបុកចំទាំងពីរគ្រឿងបណ្តាលឱ្យម៉ូតូដែលត្រូវរថយន្តកុងតឺន័របុកចំពាក់កណ្តាលនោះរងការខូចខាតស្ទើរទាំងស្រុង អ្នកជិះពីរនាក់សន្លប់នៅនឹងកន្លែងរងរបួសធ្ងន់ ចំណែកម៉ូតូដែលរថយន្តបុកត្រូវតិចតួច អ្នកជិះសន្លប់មួយសន្ទុះលេចនោមដាក់ខោ ពេលដឹងខ្លួន
រាជធានីភ្នំពេញ ៖ ម៉ូតូពីរគ្រឿងបើកឆ្លងផ្លូវត្រូវរថយន្តកុងតឺន័របើកបុកចំទាំងពីរគ្រឿងដោយម៉ូតូគ្រឿងត្រូវរថយន្តកុងតឺន័របុកចំពាក់កណ្តាលបណ្តាលឱ្យរងការខូចខាតស្ទើរទាំងស្រុង អ្នកជិះពីរនាក់សន្លប់នៅនឹងកន្លែងរងរបួសធ្ងន់ ចំណែកម៉ូតូមួយគ្រឿងទៀតត្រូវរថយន្តបុកត្រូវតិចតួច អ្នកជិះសន្លប់មួយសន្ទុះលេចនោមដាក់ខោ ពេលដឹងខ្លួនឡើងវិញលើមម៉ូតូជិះចេញទៅបាត់ ហើយរថយន្តបង្កបើកគេចខ្លួនបាត់ស្រមោល ។ ហេតុការណ៍នេះកើតឡើងនៅវេលាម៉ោង ១២ និង ៥០នាទី រំលងអាធ្រាត្រ ថ្ងៃទី២១ វិច្ឆិកា ២០១៤ នៅចំណុចមុខវិទ្យាល័យជម្ពូវ័ន តាមផ្លូវជាតិលេខ៤ ស្ថិតក្នុងភូមិជម្ពូវ័ន ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូពីរគ្រឿង ដោយមួយគ្រឿងម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខកំពង់ស្ពឺ1E-1890 ជិះដោយបុរសពីរនាក់ និងមួយគ្រឿងទៀត មិនស្គាល់ម៉ាកជិះដោយបុរសម្នាក់ ដោយម៉ូតូទាំងពីរគ្រឿងជិះចេញមកពីផ្សារឯករាជ្យ ខណៈមកដល់ចំណុចកើតហេតុម៉ូតូទាំងពីរគ្រឿងបានបើកឆ្លងផ្លូវកក្នុងទិសដៅពីជើងទៅត្បូង ក៏ត្រូវរថយន្តកុងតឺន័រ មិនស្គាល់អត្តសញ្ញាណមួយគ្រឿង បើកតាមផ្លូវជាតិលេខ៤ ក្នុងទិសដៅពីកើត ទៅលិច បានមកដល់បុកចំម៉ូតូទាំងពីរគ្រឿង ដោយម៉ូតូម៉ាកហុងដាឌ្រីម សេ១២៥ ត្រូវរថយន្តកុងតឺន័របុកចំពាក់កណ្តាលបណ្តាលឱ្យម៉ូតូរងការខូចខាតស្ទើរទាំងស្រុង អ្នកជិះពីរនាក់សន្លប់នៅនឹងកន្លែងរងរបួសធ្ងន់ ចំណែកម៉ូតូមួយគ្រឿងទៀតដែលមិនស្គាល់អត្តសញ្ញាណត្រូវរថយន្តកុងតឺន័របុកចំតិចតួចបណ្តាលឱ្យ អ្នកជិះសន្លប់មួយសន្ទុះលេចនោមដាក់ខោ ភ្ញាក់ដឹងខ្លួនឡើងវិញលើកម៉ូតូជិះគេចខ្លួនបាត់ ។
ក្រោយពេលកើតហេតុជនរងគ្រោះត្រូវរថយន្តសាមុយរបស់មន្ទីរពេទ្យ មកទទួលយកទៅសង្រ្គោះ ចំណែកម៉ូតូត្រូវសមត្ថកិច្ចយកទៅរក្សាទុកឱ្យនៅអធិការដ្ឋានខណ្ឌពោធិ៍សែនជ័យ ។
ចែករំលែកព័តមាននេះ